Mamallakta Tantanakuy kay Orgánica de Desarrollo Fronterizo paktashka, mana paktashka willayta chay Grupo Parlamentario Fronterizo katichun kamachiy killkakkuna 128 apuchiwan mañarka.
Kay Kamachiyta tukuyta allichina nirka, kay hatun unkuy siririkpi kay kamachiyta arinishun rimarka. Kay llankayta saywata minkashka kamachiy killkakuna katinka.
Kay mañaypika Ministerio de Energía y Recursos Naturales no Renovables kamachikta saywan llaktakunapi hatun llankaykunata rurakushka willayta Mamallakta Tantanakuyman kachachun mañarka.
Chay willaypika Mamallaktapak saywa kuchupi kawsak imatalla chay shulkapak, kitipak, markapak Gobiernos Autónomos Descentralizados (GAD) kamachikkunaman kullki yanapayta kipaman chayachinata riksichichun mañarka, chuki llankaymanta kullkita chay llaktamanta sakirichun, chayta Desarrollo Fronterizo kamachiypi killkarichun mañarka.
Shinallatak chay GAD kamaywasi, Consorcio de Gobiernos Autónomos Provinciales del Ecuador (Congope) tantari, Asociación de Municipalidades del Ecuador (AME) tantari, Consejo Nacional de Gobiernos Parroquiales Rurales del Ecuador (Conagopare) tantari, shuk hatun yachakta kayashpa kamachikkunawan, kamaywasikunawsan hatun rimanakuyta charishpa mashna kullki mutsurikta rikuna nirka, chayapi mushuk ruraykunata rikushpa kay Código Orgánico de Organización Territorial, Autonomía y Descentralización (Cootad kamachiyta mushukyachishpa chaypi killkarichun mañarka, chayta kay hatun unkuy yachishka kipa 80 punchapi mashna kullkita churashpapash paktachichun mañarka.
Kamachiy killkak, Silvia Salgado Andrade, Grupo Parlamentario Fronterizo tantarita pushak, pay pushak minkashkakuna chay Informe de Cumplimiento de la Ley de Desarrollo Fronterizo llankayta rikuchirka, paypak yuyaypika Saywa Kamachiy paktashka, mana paktashkata rikushpa allichina nirka, Mamallaktami GAD kamaywasikunaman paykuna saywa llaktakunapi 40 waranka tupu ukupi alli llankayta rurachun kamachiyta, kullkkita churanata charin nirka.
Tuylla kamaywasikuna mana alli saywa llaktakunapi rurashkata atirirkakuna, chay llaktakuna kamachikkunata akllaypika yanapachun mañarka, alli Saywa Kamachiy tiyachun chaywan saywan llaktakuna, kitikuna, shulkakuna paykunapak allita llankanchun mañarka.
EG/cz/jc-kichwa
