Kay Comisión de Educación tantari chay Ministra de Educación, Monserrat Creamer kamachikta chaskirka.
Pay wawakunapak, paktakunapak, sumakyachay shukpaklla yachana wasikuna kunan llaki killakuna unipak yachachichun arinichirka.
Chaymi yachay llikata mana purichinka, kaytami Apoyo Humanitario kamachiypak kallari atinakuypak apamuna nirka.
Kay Jimmy Candell kamachiy killkak, tantarita pushak tukuy yachana wasipak yachay patakunata chapana kan nirka.
Chaymanta, shukpaklla yachayta charinkapa kullkita mana urayachikpika tawka yachakukkuna tukuylla yachaywasiman shamunka, mana shinakpika 30 % patsakri yachakukkuna mana yachayman yaykunka, tukuylla yachana wasikunapash mana shukpaklla yachanawasimanta shamuk yachakukkunata chaskinata mana ushanka nirka.
Kay yuyaykunata atinakushpa, minkashka kamachiy killkakkuna, 20 %, patsakri kullkita urayachikpipash wakcha llaktakunaman, runakunaman mana achkata yanapanchu nirka, kaytami chay Apoyo Humanitario Kamachiypak 8 nikipi killkana kan rimarka, mana allita rikushpa shukpaklla yachanawasi hapina kullkita urayachina kipaman llakita apamunka nirka.
Kamachiy killkak Marcela Aguiñaga, chay Unidad Educativa Nuevo Mundo yachanawasi, kullkita mana hapishpalla, alli yachayta achka wakcha llakita charik yachakukkunaman kun nirka. Kay yachanawasita pushak Rodolfo Rendón, manarak coronavirus hatun unkuy chayamukpi yachanawasika kullkita ña mana charirka nishpa willarka, yallik wata 10 patsakrimanta, 40 % patsakrikama urmarka, unkuy yallishka kipa, 20 patsakrimanta, 50% patsakrikama urmanka nirka.
Kay Anita Jouvín, BanEcuador kamachik, aymuray killamanta taytamamakunaman yachaypak kullkita mañachina nirka, chay kullkiwan yachay nipakunata, yachaymanta kullkita kunka, nipakunata rantinka, yachakukkuna karumanta rikushpa yachanka. Chay kullkika ishkaywatapak, kimsakillata wawakullkita mana hapinka, wapi 16 % patsakri wawakullkita hapinka, shinami kullkita mañachinka rimarka.
MG/cz/jc-kichwa
