Kay Función Legislativa (LOFL) kamachiy mushuk utka kullki kamachiyta arininkapa chunka punchata charin.
Chaymanta Mamallakta Tantanakuyka, Comisiones de Desarrollo Económico tantari allichikpi, Régimen Económico tantari allichikpi Apoyo Humanitario y de Ordenamiento de las Finanzas Públicas ishkaykutin atinakunka.
Kay LOFL kamachiypak 62 nikipika, yachak minkashka kamachiy killkakkuna alli Kamachiy killkarichun Namallakta Hunta tantari kallari atinakuypi rimashkata allita rikunka.
Shuktak kamachikkunapak yuyayta hapichun rikuchin. Kayta paktachinkapa, Mamallakta Llakta rimanakushkamanta chusku punchata charin, minkashkakuna hatun atinakuyman yaykurichun, ishkaykutin atinakuchun, rikuykunata tantachishpa hatun kamachikman chaychinka.
Aymuray killa, 4, 5, 6 punchakuna kay Comisión de Desarrollo Económico tantari, Apoyo Humanitario Hatun Kamachiyta ishkaykutin atinakuyman richun rimanakunka, arinka. Kay kamachiyka chay cornavirus hatun unkuyta harkankapa yanapanka. Kay utka kullki Kamachiyta Mamallakta Pushak ayriwa killka, 16 punchapi kachashkami kan.
Kay mushuk Apoyo Humanitario y de Ordenamiento de las Finanzas Públicas kamachiyka llaktakuna, ayllukuna, llankakwasikuna kullkita kutin charichun, tarpuy llankaykunata, makiruray llankaykuna, tukuysami ruraykuna, Economía Popular y Solidaria llankaykuna mirarichun makita kunka, kay paktachunka Mamallaktami kullkita mañachinka.
Kay Comisión de Régimen Económico tantarika, kamachiy killkakkuna Mamallakta Tantanakuypak hunta rimanakuypi Ordenamiento de las Finanzas Públicas Hatun Kamachiypi mushuk yuyaykunata churashkatami rikunka, allichinka. Shinami Mamallakta Pushak kachashka utka kamachiy ishkaykutin atinakuyman yaykurichun willayta killkanka.
Aymuray killa, awaki, 4 puncha Comisión de los Derechos de los Trabajadores tantari rimanakuyta charinka, chayman Ministro de Trabajo, Luis Poveda kamachikta kayanka, chaypi payka imamanta kay hatun unkuy llankayta mana llakichin nishkata, yachakkunata mana unkunchin nishkatawillanka. Unkuy llakimanta llankakkunata llankaymanta surkushka llakitapash, imashina chay llakita allichinatapash achiklla sakinka.
Shinallatyak, A aymuray killa, awaki, 4 puncha 09h00 sayllamanta Comisión de Biodiversidad tantari, Ministro de Salud Pública, Juan Carlos Zeballos kamachikta chaskinka, payla kay Covid-19 hatun unkuyta harkankapa kullkita, hampi hillaykunata, shuktak nipakunata Antisuyu markakunaman chayachishkata willanka.
Tukuripika, kay Comisión de Gobiernos Autónomos tantari, Código Orgánico de Organización Territorial, Autonomía y Descentralización kamachiyta allichishpa katinka, kay rimankuymanta kay kamachiy ishkayniki rimanakuyman richun allichinka, chaymanta hapishpa willayta killkakanka.
JLVN/cz/jc-kichwa
