Mamallakta Tantanakuy kay aymuray killa, 01 punchapi, 667 yupay rimanakuyta charirka.
Chaypi kay Ordenamiento de las Finanzas Públicas kamachiyta, unipak kullki tiyachun atinakurka, chaywan Mamallaktapak llankayñayta rurana nirka.
Kunanpi llankakuk kamaywasikunawan kullki yaykurina, kullki llukshina maruta ruranata atinakurka, chay llaktayukkuna achiklla riksinkapa kishpiyrishka willayman yaykurichun, rimarka.
Kay rimankuyka 17h48 sayllata kallarirka, Comisión de Régimen Económico killkashka willaywan kallarirka.
Chaymantami minkashkakunami kay Kamachiypak sapan nikikunata katishpa rimarka, shina atinakushpami 49 nikimanta, 42 nikita killkakatirka. Shinallatak tukuykuna yuyarihpa 2 nikita anchuchirka, kutin 7 nikita atinakuypi mana shuklla yuyay tiyarka, kay Kamachiytaka Mamallakta pushak kachashka karka.
Shinami Mamallakta Tantanakuyta pushak, César Litardo Caicedo, kamachiy killkakkuna hunta rimanakuyta chaypilla sakichirka, kaya aymuray, 3 puncha, 10h00 sayllamanta hatun rimanakuy katinka, chaypi Comisión de Régimen Económico tantarita pushak, Daniel Mendoza allichishka killkay willayta rikuchinka.
Kay kamachiyka sukta wankurita charin, Mamallaktapak kullkika “hawamanta urayman” chushku watapak kan, chayka hatun kullkimi kan. Shinami kullki llaktaywan, kullkiwan, kullki tupukuna mukuyarinamanta charin. Mamallakta kullki ashyarinamanta, mushuk kullkitawamanta riman, chaymanta mushk masmata rikuchin.
Shinallatak kay kamachiyka Mamallakta kullki tuputa, kullki pakmakunawan, tukuylla kamakkunawan rikuchin. Kullki makinchikunapi ama llakirichun, ama tukurichun alli kamaykunata charichun ñanta rikuchin. Chaytami mana kullkita rikuk tukuylla kamaywasikunaman chayachun karuman paktana, ñalla paktana llankaykuna Presupuesto General del Estado kullkiwan paktanka. Chaypak Comité de Coordinación Fiscal kamachikkunata churanka.
JLVN/cz/jc-kichwa
