Mamakamachiy rimashkata hapishpa, Código de Trabajo kamachiy rimashkakata hapishpa kay Comisión que atiende temas y normas de la Niñez y Adolescencia tantari, llankachishpa shuwayta harkankapa, 15 watayuk imillakunapak yanachana hayñita ukllankapa kamachiypak nikikunata, hillaykunata churan.
Kunan puncha imillakuna, llankashpa yachachun, kawsaykamayman yaykuchun, mana alli kuska llankaykunapi ama llankachun mañarka.
Kamachiy killkakkuna Mamakamachiy rimashkata rikushpa kamachiy killkakkuna 15 watamanta urayman imillakuna ama llankachun mañarka.
Chaymanta, wakinpilla 15 watamanta hawaman llankayta hapichun rikuchirka. Kay yuyaykunata hapishpa Pacto por la Niñez killkashka nikikunata killkakatirka, kay killkapika imillapak hayñikunata, llankashpa yachachun rimarka.
Yapa, imillakunaman llankayta kukkuna paykuna, imillapak hayñikunata alli kamachun nikikunata churarka. Shinallatak llankayta kukkuna, imilllakuna yachayman rikuchun, paykunapak tiksi yachayta, pakta yachayta tukuchichun kamanata charin nirka, llankachikka sapan wata yachashpa katichun rikunata charin. Shinallata yachankapa churarinata, kamukunata, killkana kaspikunata, llankaytiksi kullkimanta 50 % patsakri kamana kuchun nikikunta killkarka, chay chanitaka llankashkamanta kullkita kunawan mana rantinchinkachu, rimarka.
Imillakuna llankashpaka llanllayta killapi hapina kullkimanta 80 % patsakri kullkita llankashkamanta hapichun mañarka. 6 sayllata llankachun hapishka kashpaka, sapan sayllamanta hapinka. Chayka Décimo Tercero y Décimo Cuarto sueldos kullkimanta llankay kullkimanta hapirka, shinallatak hapinka,. Shinallatak llankachikkunaka llankak imillata Instituto Ecuatoriano de Seguridad Social kamaywasiman yaykuchichun mañarka.
Kamachiy killkakkuna Mamallaktapi rumpa pukllakkuna, istallaktamanta pukllakkuna, pukllanta sumak yachakkuna tantarikuna kamachiywan pukllana yuyarita, llankana yuyarita killkachun yuyachirka. Paykuna pukllanata yachakuk 15 watamanta, 17 watayukkama rikuchin, kamachun mañarka.
JLVN/cz/jc-kichwa
