Mamallakta Tantanakuy kay Ordenamiento de las Finanzas Públicas kamachiyta atinakurka, chayka, Mamallakta Pushak kachashkata allichirka.
Shina Seguridad Social kamayta, Gobiernos Autónomos Descentralizados (GAD) kamaywasita sumaychankapa yaykurka. Pusak saylla atinakuypika 31 kamachiy killkakkuna rimarka.
Ishkayniki rimanakuka, Daniel Mendoza kamachiy killkak rimashkawan kallarirka, payka, Comisión de Régimen Económico tantarita pushakimi kan, llaktay tantariman yaykurishkakuna rikuywan, runakuna, kamachkkuna rikuywan, mushuk yuyayta churaywan 80 % patsakri nikikuna allichirishkata willarka.
Shinami chay GAD kamaywasikuna, Seguridad Social llankayta pushak kamaywasikuna chikanyashpa llankanata, kamanata charin nirka.
Kay nikikuna Mamakamachiy, paypak nikikunapi rimashkawan kimirin nishpa riksichirka. Chay Ministerio de Finanzas kamaywasi, payka llankayñanta, wallpayta, ashalla pachapi paktanata, tukuypak kullkita rikunata, kullki tukuchina saywsata, mana alli kakpi wanachinata, tukuylla llankay yuyarita chapachun mañarka.
Kay atinakuypika, tawka kamachiy killkakkunami kay Comisión de Régimen Económico tantarika, Mamallakta churashka nikikunata washaman sakishpa kikinkayta sumaychashka alli nikikunata killkashka nirka. Shinami Ministerio de Finanzas kamaywasi, kamak kamaywasikunata sumaychachun, paykunapak kullkika Mamallaktapak kullkimanta kachashka kullkimi kan, shinapash chay Presupuesto General del Estado kullkimanta shamuk kullkika mana kanchu nirka.
Kay Comité de Coordinación Fiscal tantarimanta rimashpaka, kallari kamachiypika kanchis kamaywasikuna yaykurinamanta rimarka, kunanka, Minkashka 11 kamaywasikuna yaykurinata rimarka, chayka: Banco Central kullkiwasimanta shuk, Kitikunamanta, Markakamchikmanta, Shulkakunamanta, sapan kamakwasikunamanta, tukuylla llankakwasikunamanta, Mamallakta Tantanakuymanta, shuktak kamaywasikumantapash yaykurichun mañarka.
Kamachiy killkakkuna, mushuk kamachiypika, punkarata surkushpa llankaymanta, mana wiñarik llankaykunata rimak nikikunapi achka mushukyay tiyan, chaymanta kay Hidrocarburos kamachiypak 17 nikita, 31 nikita allichina urman nirka, kay nikikunata mushukyachishpa llankakwasikuna mushuk llankayyuyarita ruranata ushanka nishpa tukuchirka.
JLVN/cz/jc-kichwa
