Kay Comisión Ocasional que trata temas y normativa de Niñez tantari, Encarnación Duchi kamachciy killkak pushashka, wawakunata, imillakunata shuktaksami takaykunata Kamachiypak Libro III kamupi mushuk nikikunata churarka.
Kayka Sistema Nacional Descentralizado de Protección Integral de la Niñez y Adolescencia llankaywan kimirin, kay nikitaka manarak kallari atinakuyman kamachiy yaykurikpi yaykuchirka.
Wawakunata, imillakunata shuktaksami takaypika yachanawasikunapi mana alli chaskishka, paypak pupata upallalla hapishpa llakishka kan.
Chaymanta, ayllu ukupi mana alli rikushka, wakachishka, mana karashka kan. Kaysami takaykunata llakta runakuna, ayllukuna hapichun kamachiy killkakkuna mañarka, kay llakikunata kamachiy killkashka mana tiyan, nirka.
Shinallatak, yuyayta pakishpa llakichishka llakita mirachirka, chayka tawkasami takaykunami chikan chikan ñankunata katishpa wawakunaman, imillakunaman chayan. Yuyayta takayka wawakuna, imillakuna asichun, kushilla kachun mana sakin, payllatak mana kuyan, shinami hatun kashpaka wakllirishka runa, warmi rikurin.
Kay nikita, kamachiy killkak Encarnación Duchi, kay Código de Niñez y Adolescencia kamachiyta allishpaka, kari warmi wawakunata, imillakunata ayllu ukupi ama llakichichun mañarka, paykunata wasipi, ayllupi kuyana, allita rikuna nirka.
Shuktak, kunan aymuray killa, 14 punchapi rimayka tukuy kamachiy killkakkuna wayka rimarka, wawakuna, imillakuna wakinsami takaymanta aharka, chayka paykunapak hayñita kutin pakishkata achka yachaywan, maymanta takay shamushkata taripanata, imashina takay kakashkata riksishpa wanachina hawa rimarka.
EG/cz/jc-kichwa
