Kay Comisión Ocasional Niñez tantari, Encarnación Duchi kamachiy killkak pushashka kunan chashka puncha, 08h40 sayllamanta rimanakuy kallarirka.
Kaypimi wawakunata, imillakunata takaykunata, waktaykuna, wiwatashina waktakpi wakllirikata Kamachiypak Libro III kamupi sistema Nacional Descentralizado de Protección Integral de la Niñez y Adolescencia hawa mushuk nikikunata churarka.
Kamachiypak mushuk nikipika kari warmi wawakunata, imillakunata ayllu ukupi ama waktashpa, mullishpa, tsiknishpa, wiwatashina waktashpa, manchachishpa ama charichun mañarka.
Paykunataka, llakichina ranti ayllupak wasipi, ayllupi kuyana, allita rikuna nirka, chaymi wawa, imillapash kushi yuyayta charinka, alli yachayta charinka nirka.
Chay tiwntik wawakunata, imillakunata allichinrayku ayllu ukupi waktapi, sinchita rimakpi, hamikpi, tsiknikpi, wanachikpi paypak yuyay wakllirinka, kipaman wakllirishka, upalla runa tukunka, shuktak yuyaysapa kutsik runakuna hawalla llapinka.
Kamachiy killkakkuna shuktak takaykunata rikuchirka, chayka zirma llikata, sumakruray willayta, karurikuchikta katishpa kari warmi munay hayñita wakllichinka. Shuktak manyamanta rikushpaka warmi imillakuna wamrarak chichuna yuyayta charichinka. Shinallatak kamachiy killkakkunaka wawakunata, imillakunata shuway llakimanta, chay llakikunata imashina pitinamanta kamachiypi killkana nirka.
JLVN/cz/jc-kichwa
