Mamallakta Tantankuy llaktayukkunawan rimanakuyta charin, chaymanta Mikuna Kits pityukta yalli kullkipi katushkamanta llakita katinka.
Chay mikunakunata yapa wakcha ayllukunaman, katushpalla kullkita charik runakunaman, chayachishka kanka.
Chaymanta, payka Covid-19 unkuymanta wasipi sakirik ayllukunaman mana alli chayachirka. Kay llakita ishkay tantaripi 18 punchamanta, 22 punchakama rimanakunka.
Kay Comisión de Fiscalización y Control Político tantari, yallik Secretaria Nacional de Gestión de Riesgos, Alexandra Ocles kamachikta karumanta tapunkapa kayarka, paytaka 7.000 kits pityuk mikunata Covid-19 unkuymanta rantishkata willachun kayarka, 40% patsakri yalli kullkita kushkamanta tapunka. Kay tapuyka, aymuray killa, chilla, 20 puncha pusharinka.
Kutin, aymuray killa, awaki, 18 puncha, Ministro de Recursos Naturales no Renovables, René Ortiz kamachikta kayarka, paytaka Empresa de la Corporación Eléctrica del Ecuador (Celec EP) kamaywasipi llankakuna, Corporación Nacional de Electricidad (CNEL) llankakwasipi llankakkuna llankay kuskapi hawalla kan, chaykunata rimanka.
Shinami, Secretario General del Comité de la Empresa Celec pushak, kay Comisión de Fiscalización tantari llankakkuna, hatun unkuy llakiwan achkata llakita charishkata willarka. Wakin llankakkunaka Covid-19 hatun unkuyta charin, paykunata llankaymanta chikanyachishka kan, llankaymanta anchurishkamanta samarina pachata hapichun, llankakchik mañashka nirka.
Kutin, Comisión de Soberanía Alimentaria tantari, chay Ministerio de Agricultura y Ganadería kamachik willashkata rikunka, chay willayta katishpa mikuna kits hawa rikunka, Covid-19 hatun unkuymanta wakcha ayllukunaman, wasipilla sakirishka ayllukunaman chayachishkata willanka, mashna kullkipi rantishkata rikunka. Kipaman Tantarika, Asociación Corpemayo tantarita chaskinka.
Kay killa, 18 puncha, 15h00 sayllamanta, Comisión del Derecho a la Salud tantari, Ministro de Salud, Juan Carlos Zeballos kamachikta chaskinka. Payka imashina chay Covid-19 hatun unkuy hapishka kari, warmi runakunata hapishkata hampiwan, shimilliwan yanapashkata willanka. Shinallatak ayllukunata rikuchun hampikkunawan llankayyuyarita rurashkata, hampita harkak hillaykuna mana paktashkata riksichinka.
JLVN/cz/jc-kichwa
