Kay Comisión de Desarrollo Económico kaya puncha kimsa kamachiykunata atinakunka, 15h00 sayllata kallarinka.
Chay rimanakuypimi: Economía Circular Hatun Kamachiyta, Pago a Tiempo Hatun Kamahciyta, Servicios de Asistencia Hatun Kamachiyta atinakunka.
Kay Elizabeth Cabezas kamachiy killkak, payka kay kamachiy Ecuador llaktapi kullki unipak tiyachun, llankakkuna mirarichun achkata yanapanka nirka.
Shinallatak llankakwasikuna llankaykunata mirachichun, kullkita charichun istallaktamanta kullkita apamushpa llankaypi, mintalaypi kullkita mañachishpa churachun ñanta paskan, shinami kullki llikata tinkinka nirka.
Kamachiy killkak Lourdes Cuesta rimashka shina, shukpaklla llankakwasikuna, tukuylla llankakwasikuna, kamachiywan riksishka kamaywasikuna, tantarishkalla runakuna, paykuna churashka kullkita kuna maruta hapishpaka mana washayashpalla churashka kullkita kuchun yanapanka nirka. Llankakkuna, mushuk llankakkunapash churashka kullkita mana chupayashpalla kuna kan, nirka. Charishkamanta, mitachimanta maru pankata hapishkamanta 30 punchapi chayachinata charin, rimarka.
Shinallatak William Garzón kamachiy killkak churashka kamachiyka, mitachikunata, chaypaykuna, nikik mitachikunata kamaywasiman, charik ayllukunaman chayachik llankakwasikuna killa huntata yupasphpa churashka kullkita chayachichunmi kay kamachiyta tantanka, chaytami ashtawankarin kamachikkunata chapachinka.
SV/ea/jc-kichwa
