Kay Comisión de Soberanía Alimentaria y Desarrollo del Sector Agropecuario y Pesquero tantari, Lenin Plaza Castillo kamachiy killkak pushashka, kunan 09h00 sayllamanta rimanakuyta charinka.
Chaypi Ministerio de Agricultura y Ganadería (MAG) hatun kamachik kits mikunata runakuman llaktakunaman chayachishkata willanka.
Kamachiy killkak tantarishka, ayriwa killa, 30 puncha, Ministro Xavier Lazo Guerrero kamachikman shuk willayta kacharka, Ministerio de Agricultura y Ganadería kamaywasi mayman ashanka kapukkunata kachashkata willachun mañanka: shinami kitikunaman, shulkakunaman, markakunaman kachashkata willanka, runa tantarikunaman, llakta kamachikkunawan kimirishpa ayllukuman, yana llaktakunaman chayachishkata willanka.
Mamallaktapak Kamaywasika, hatun unkuy kallarishkamanta, chay AGROTIENDA llankay katuyta llaktakunapi pushamushkanchik nishpa willarka, kay mikuna ashankakunata Mamallaktapak kiti ayllullaktapi, paklla ayllullaktapi kawsak runakunaman chayachishkata willarka.
Shinallatak chay Agricultura Familiar y Campesina (AFC) tantarikunawan llankanchik nirka, Ministerio kamaywasi shutita killkachishkami kan nirka. Paykunaka, Mamallaktapak 21 markapimi sakirin, chaypakka sapan markapimi kayana yupayta charin, chayman ashanka mañaykunata, mikuna willaykunata chayachinchik nirka.
Shinallatak ishkayni rimaypika: Cooperativa COARPEMAYO Flota Polivalente del Ecuador tantari hawa rimanami tiyan, chayka: yallik lluchunkawan llankakmi kan, kay Disposición Transitoria Quinta de la Ley Orgánica para el Desarrollo de la Acuicultura y Pesca Kamachiywanmi achtaka kimirin, kay kamachiywan chalwashpa, chalwata wiñachishpa, shuktak yakupi llankaykunata tantashpa allichinka, rimarka.
EG/ea/jc-kichwa
