Kay Comisión Ocasional para el Tratamiento de los proyectos de Enmiendas y Reformas Constitucionales tantari, kaya puncha rimanakuyta charinka.
Kay rimanakuyka, 16h00 sayllata kallarinka, chaypimi Mamakamachiy allichina niki ukupi sumakrurak tantarita churanka, kaytaka Jeannine Cruz Vaca kamachiy killkak churashkami kan.
Kay sumak ruray tantarika markapi GAG kamaywasiman mashna kullkita rakinata chimpapurashka nikikunata churanka, imashina kullki chay mushuk ñankunata katishpa chayachun churanka, chay kullkikuna llaktakunapak ñan llikata allichinapi mashna paktanata rikushpa tukuchinka.
Shinami chay Comisión Ocasional tantarita pushak, Elizabeth Cabezas kamachiy killkak, 2019 wata, sasi killa, 20 puncha, Ministerio de Finanzas hatun kamachikta shuk allichishpa killkashka pankata kachachun mañarka, chaypimi markakunapi mashna waranka tupu ñanta rikushpa kullkita rakichun mañarka, shinami markakunamanta Gobiernos Autónomos Descentralizados (GAD), 2019 watapi kullkita tukuchishkawan pakta churanka.
Kay llankay rimanakuypika Consejo Nacional de Competencias (CNC) kamachikkuna kanka, Mamallaktapi kikinllatak karupi llankakkunamanta rimanka, Ministerio de Finanzas kamachik kanka, payka marka GAD kamaywasikunaman imashina kullkita rakishkata riksichinka.
Shinallatak, Ministerio de Transporte y Obras Públicas kamaywasi kanka, payka Sistema Nacional de Transporte rikuk kashkamanta chaypi kanka, markakunapi Consorcio de Gobiernos Autónomos Provinciales del Ecuador (Congope) tantarita pushak, Mamallaktapak markakunapi GAD kamaywasipak shutipi rimayta charinka.
JLVN/ea/jc-kichwa
