Kay Código Orgánico de Protección Integral de Niñez y Adolescencia kamachiyta kallari atinakuyka: shukpak wawata wiñachina, zirmapi killkanata mana yachay, taytamama wawata kamana karka.
Shinallatak wawaman mikunata kuna, wawakuna llankay, Mamallakta llaktay wawata yanapay, yachak kishpichik kamachikkuna kamayta sinchiyachina karka. .
Kay Covid-19 hatun ukuymanta wawakunapak, imillapak hayñikuna urmarka nirka.
Chaymanta shuk hunu yalli yachakukkuna internet llikata mana charin nirka, kay llakipi Mamallakta yanapachun mañarka. Wawakuna, pakta runakuna wañushka rikurirka, ayllu ukupi takay llaki rikurirka, paykunapak hayñita pakirka nishpa riksichirka.
Kay sapalla wawakuna hapishpa wiñachinamantaka, kamachik arinina, kama suni, sinchi tatkimi kan nirka, wakin willaykunapi 2000 kari, warmi wawakunami shuk aylluta mashkakun nishpa willarka, chaypimi Mamallakta rikunata charin, kamachiy killkakkuna rimarka.
Kay Grupo Parlamentario por la Defensa de los Derechos de Niños, Niñas, Adolescentes y Jóvenes tantariman yaykurishka kamachiy killkakkuna sitwa killa, 21 punchakama mushuk kamachiyta llaktakunaman riksichinka nirka, chaypimi hayñita charik, kamachikkuna, ayllullaktakuna, yachakkuna, Mamallaktapak awllikkuna rimayta charinka nirka.
Shinallatak, mushuk Kamachiyka taytamama, ayllukuna, runakuna, llaktakuna wawakunapak llakita allichinka yanapachun yanapanka nirka. Chaytamanta kay Kamachiyka Mamallaktapi maymutsukmi kan, ayllupura, taytamamapura rimanakuchun, wawakunapak, imillakunapak paktachichun yanapanka nirka.
Kay Código Trabajado kamachiyka, Comisión Ocasional tantariman yaykurishka kamachiy killkakkuna atinakuchun achka maymutsurik chusku yuyaykunata churarka: paktakayta charina, mana tsiknina, wawapak hawa munayta, ama takachun, tukuy kallari kan, kamachiy killkakkuna rimarka.
JLVN/cz/jc-kichwa
