Trabajadores Minkarishka, Karina Arteaga kamachi killkak pushakuk, ishkay rimanakuytami kay chillay 1 puncha sitwa killa charinka. 09h30 pacha tutamantaka Consejo Directivo del Instituto Ecuatoriano de Seguridad Social (IESS) tantanakuyta pushak, Jorge Wated Reshuán runata chaskinka, payka Sistema de Seguridad Social tantanakuy imashina paktarinamanta rimanka.
Shinallatak, 11h00 pacha tutamantaka, tawka tantanakuykunawan, llankaymanta llakishichishkatami rimanakunka, shinallatak, llaktapak llankak ayllukuna llaktaman kullchi chayachina kipayashka ayllukunata imashina yanapanamanta rimanakunka.
Seguridad Social llika
Kallari rimanakuypika, IESS tantanakuyta pushakkuna kamachi killkak runakuna tantanakuy pushakkuna tapushkatami kutichinka shinallatak kay décimo sueldos chanita ama ashayachinata, llankay illaklla sakirikpi, samanaman llukshikpi, shuktak yuayytapashmi rimanakunka.
Shinallatak Vinicio Troncoso runa, imamanta Gerente General del Banco del Instituto Ecuatoriano de Seguridad Social kullki wasi pushaymanta llukshishkata willachunmi shuyakunkuna.
Llankaymanta llukshichina
Ishkay niki rimanakuypika, kimsa tantanakuykunami llankaymanta llukshichishkata willanka. Armando Willa runa, kay Gobierno Autónomo Provincial de Esmeraldas tantanakuymanta, llaktapak llankak ayllukuna llukshichishkamanta rimanka.
Vinicio Mosquera Salazar runa, sumak puñuna wasikunata, mikuna wasikuna pushak, Paykunapak llankaypi imashina kawsakushkata shinallatak llankaymanta llukshichishkata rimanka. Shinallatak, Oswaldo Lituma runa, OrveHogar llankay wasimanta runaka llankaymanta llukshichishkata shinallatak kay 169 niki killka 6 yupay Código del Trabajo kamachiymanta rimanka.
Kullki chanina kipayashka kakpi llankaypi katinamanta
Puchukaypika, kamachi killkakkunaka kay Ley Orgánica del Servicio Publico para la Protección del Empleo y La Garantía de la Estabilidad en el Servicio Público kamachiypak killkata shuk niki rimanakuypi paktanapak chaskinka, kay mañaytaka Rina Campain kamachi killkakmi chayachirka, kay kamachiywanka shuk ayllu llaktaman chanina kullkita kipayashka kakpi llankayta charishpa katinapak yanapan.
RSA/cz/cg-kchw
