Kamachiy killkak, Ximena Peña, Comisión de Justicia tantarita pushak, paymi kay mushuk kamachiy tiyachun killkanata kallarirka.
Chaytami Mamallakata Tantanakuyman rikuchirka, runapak hayñita rikuchik, Mamakamachiyta paktachishpa mayman chayanata rikuchirka.
Shina kay mushuk Kamachiy runakunapak hayñikunata paktachinamanta rikuchirka, chaytami tantarishka kamachiy killkakkuna chaskirka..
Kay kamaywasikunapi mitachikkuna, mayhan Red Complementaria a la Defensa Jurídica Pública llankakkuna alli shunkuta charik kachun, mana chawpik, llankaykunata alli pushanata yachakkuna kachun, alli runakuna kashpa alli ruraykunata rurachun yachachina kan nirka.
Kamachiy killkakkuna paykunapak rimanakuypika yuyaykunapi chimpapurashpa shuklla yuyayman chayarka, chaymanta Defensoría kamaywasi wakcha, kullkita mana charik, wasita, yakuta, allpata mana charik runakunapak hayñimanta rimashpa shamun, mushuk sumakruraykunata rurashpa rikuchin, rimarka.
Mamallakta Tantanakuy manarak rimanakuyta kallarishpa, Norma Peñaherrera, Jurisprudencia de la Universidad Internacional del Ecuador yachachikta chaskirka. Kay kamachiy tukuylla kullkita mana hapinamanta alli kakta rikuchirka, kay Defensoría kamaywasita allichinamanta riman, kallaripi chaskina runakunata yanapana kakpi alli kamachiy kanka nirka.
MG/cz/jc-kichwa
