Kunan puncha, Comisión del Derecho a la Salud decidió tantari, tisikurunapak tisikupankata yanka charishkamanta llaktayukkuna wanayta churashkamanta rimanakunka.
Shinallatak, hampita rantikkuna, apankara unkuyta charikkuna, kiriu unkuyta charikkuna huchachin, hatun unkuy punchakuna kamachikkuna kay llakita katichun mañan.
Kamahiy killkak, Rosa Verdezoto rikuchishkamanta, achka kamachiy killkakkuna Ministro de Salud Pública, Juan Carlos Zevallos kamachikta kayana nirka.
Kipaman, María Alejandra Muñoz, Servicio Nacional de Aduanas (Senae) kamachikta kayachun mañarka, paykunaka tisiku runa pankata kamachik charishkata katinka. Mayhan kamachik kay pankata yanka charikpak shutita hapinka, tisikupankawan achka kullkipi antawata rantishkata katinka.
Shinallatak, Cámara de Industriales tantari, Productores de Medicamentos del Ecuador (Cipme) tantari, Asociación de Laboratorios Farmacéuticos Ecuatorianos (ALFE) tantari rimashkata uyashpa, chay Silvana Vallejo, Servicio de Contratación Pública (Sercop) pushak kamachikta kayanata yuyayrirka; shinallatak Luis Calle, Agencia Nacional de Regulación y Control Sanitario (Arcsa) pushak kamachikta kayanka, paykuna ashalla kullkipi hampikunata rantishkata willanka.
Tantarishka, Mamallaktapi kiru hampikkuna llankaypi llakita charishkata willarka. Shinallatak Ismael Espinoza, Federación Odontológica Ecuatoriana (FOA) tantarita pushak rimashkata uyarka, chaymanta Código de Salud kamachiyta ucha arinina nirka, chaymi Kiru Hampina Kamachiy tukuchun mañarka, kay kamachyka shimi hampina, kiru hampina llankayñanta rurankapa yanapanka nirka.
Shinallatak Organizaciones de Pacientes Contra el Cáncer tantarika, kay Covid-19 hatun ukuyta harkankapa llankak, Diego Jimbo pushak, apankara unkuy hampipak, manarak unkuy hapikpi harkankapa kanchamanta kullkita mañashkamanta mana tikkrachina ushashkamanta llaki tiyashkata riksichirka. Wakin runakuna mana riksishka ancha unkuyta charishkatapapsh riksichirka, kay unkuypak hampi mutsurin nirka.
RSA/cz/jc-kichwa
