Kay Comisión de Fiscalización y Control Político tantari kipapushak, Eliseo Azuero Rodas pushsashka, pichka sayllata rimankuypi yachakkunata, amawtakunata, Agencia de Regulación, Control y Vigilancia Sanitaria (Arcsa), Mauro Falconí kamachikta chaskirka.
Paykunaka chay Covid-19 hatun unkuywan unkukkunatapash chaskirka, paykunaka Dióxido de Cloro hampiwan alliyashkata riksichirka. Hampi kamachikka chayta riksinkapa rikrata paskarka.
Taripak tantari ukumanta Kalcker tantarimanta, Ecuador llaktapika Edwin Villacís amawta rimayta charirka.
Payka chay Guayaquil llaktapi Covid hatun unkuyta charikkunawan taripaykunata rurashkata riksichirka, unkuyta harkanatalls mana rurarka, shamuk punchakunapi unkuy ama shamuchun imashina harkanamantapash yachashkata riksichirka, chaytaka amawta pankakunapi killkashka tiyan nirka.
Shinallatak kay CDS hampiwan hampirishkata Pedro Chávez hampimanta yachak, Aparicio hampimanta yachak willarka, Alonso, Coalición Mundial Salud y Vida de México kamaywasimanata ashtawan achiklla willashpa yanaparka, shinallatak Patricia Calliesperis (Bolivia) llaktamanta, Eduardo Insignares (Colombia) llaktamanta achka yachashkakta willarka, Ecuador llaktamanta tawka shuklla yachayta charik hampikkunapash rimayta charirka.
Paykunaka sukta waranka (6000) unkushkakunamanta alliyashka rikurishkata willarla, chayka tawka Mamallaktapi paykunallatak hampirishkata willarka, paykunaka shuktak nanaykunata mana rikuchishkata tukuyman riksichirka.
Shinallatak Baruc Mero, Milton Desiderio, José Aguilera, Ángel Gómez yachakkuna shamurka, paykunaka Covid hatun unkuyta mishashpa kawsarishkata willarka, chay Dióxido de Cloro hamnpiwan alliyashkata rikisichirka, mayman mana rinata ushashpa chay hampiwan hampirishkata willarka. Mamallakta churashka hampikuna, hampina uku, hampikkuna chupaman sakirka, chaymanta CDS hampita upyashpa chusku punchapi alliyashkata, unkuy chinkarishkatapash willarka.
Kay Comisión de Fiscalización tantarita kipapushak, Eliseo Azuero, chay yachashka pankakunata, Ministerio de Salud kamaywasiman chayachichun mañarka, chaywan chay hampiwan hampikkuna hampichun, kamachiywan arininkapa, tantarita kipapushak hamutachirka, chaymanta hampinapi awllikkuna alli rikushpa llankachun, llankayta, chapayta rurachun mañarka, kayta ama kunkashpa washapi aparichun mañarka.
EG/ea/jc-kichwa
