Kamahiy killkakkunapa 96 apuchiwan Mamallakta Tantanakuy Otto Sonnenholzner Sper Ecuado Mamallakta Kipapush anchurikta chaskin.
Payka kay killa 7 punchami Mamallakta Tantanakuyman anchurini nishpa shuk pankawan willarka.
Kamachik, Javier Rubio, Mamallakta Tantanakuypak killaka, Sonnenholzne anchurini nishpa willashka apankata killkakatishkapika, pay imatalla llankashkata ashalla rimaypi willarka.
Chayta uyashpa Ximena Peña anchurita chaskina nirka. Kipaman Lenín Moreno, Mamallakta Pushakman willachun mañarka, paymi imashina Mamakamahiy, Kamachiy kushka ushay ukupi paktachinka, rimarka.
Kay Homero Castanier kamachiy killkak, wiñaykawsaymi imatapash rimanka, kunan Mamallakta pushaypika chusku Mamallakta kipapushakta churana urman, shinami ñukanchik Mamallaktapak kamaywasiyay pakirinata rikuchin nirka. Mamallakta pushakmi kipapushak tukuchun alli shunkuyuk, yachak runakunapak shutita Mamallakta Tantanakuyman kachanka nirka.
Kunan punchamanta kallarishpa, Mamallakta Pushak, kimsa runapak shutikunata kachankapa 15 punchata charin, chay kimsa shutikunamanta Mamallakta Tantanakuy shuk shutita hapinka nirka, chaypak Kamachiy killkakkunapak (70) apuchi mutsurin, kipaman ña llankayman yaykurinka, rimarka.
SV/cz/jc-kichwa
