Mamallakta Tantanakuy arinishkata paktachishpa, Derecho a la Salud tantari tisikupankata yanka charishkata katinkapa kallarirka.
Paykunaka hampik kamaywasipak kamachikkuna alli runakuna shuwanata munashpa tisikupankata alli runa yanka hapishkata willakpi, William Garzón, tantarita pushak Mamallktaman imashina kashkata willana nirka.
Kallaripika tisiku runakuna hawa chay Consejo Nacional para la Igualdad de Discapacidades (Conadis) willashkata; Dirección Nacional de Discapacidades del Ministerio de Salud Pública willashkakta; Consejo de Participación Ciudadana y Control Social willashkata chaskirka, chaymi kamachiy killkakkuna llakita riksirka..
Shinallatak, Xavier Torres Correa, Conadis pushak, tisiku runa kashkata rikuna, chanina, arinina Ministerio de Salud Pública (MSP) kamachikpak makipi kan, shinami Discapacidades kamachiy riman nirka; Registro Nacional de Personas con Discapacidad kakta rikuna, chay Dinardap kamaywasimi rikuna kan nirka, paykunamanta imanik tiksipankata, kay wata, 17 puncha, sitwa killapi mushukyachishka kan nishpa willarka.
Tayta Torres pushakka, tisikupankata yanka hapishkamanta rimarka, chayka: hatun unkuy purik puchakunami tisikupankata kushka nirka. Shinami 2920 tisikupankamanta, kay wata, pawkar killapi 1175 tisikupankata kushka kanka nirka. Yapa, 2652 mushuk pankata chanisha kipushka kan nirka. Kay tisikupankakunata Ministerio de Salud kamaywasi mañashka kutintak chanichun mañarka.
Tayta, Christian Cruz Larrea, Consejo de Participación Ciudadana y Control Social (Cpccs) pushak, 2020 wata, ayriwa killa, 22 puncha, kamachikkuna rikuchun uchillakamachiyta Mamallakta unkuy llakita charik punchakuna arinirka, chaywan kullkita hapishka kan, nishpa hamutachirka.
Tukuripika, Lisset Tapia Yánez, Directora Nacional de Discapacidades del Ministerio de Salud Pública kamachik, Ecuador llaktapi kawsak kakpi, tisikuruna kakpi tisikupankata chanichina hayñita charin, paykunallami tisikupankata hapinata ushan nishpa riksichirka.
RSA/cz/jc-kichwa
