Kay Juan Carlos Zavallos, Ministro de Salud kamachik, Comisión de Fiscalización, Johanna Cedeño Zambrano kamachiy killkak pushashka tantartipi rikurishpa achkata rimarka.
Chayka, kay Covid-19 hatun unkuy waktakpipash Quito llaktapi unkuy mana ñitirishka kan nirka, llaktayukkunapak unkuy llakita allichinkapa alliririshka kanchik nirka.
Hampi kamachikka, Kapak llaktapai Covid unkuwan wañuymanta 10 patsakri urayashka nirka.
Runakuna karuyashpa purishpa tuputa paktachikpi, kawsaykamayta paktachikpi unkuy mana waktanka, mana katirinka nirka. Shinapash harkana kanchik, unkuy kipaman katinata mana riksinchik, shinapash hamipirishpa, harkashpa katina kanchik, yapa kamachik rimarka..
Hatun Kamachik, Secretaría de Salud kamaywasi, Agencia de Regulación y Control Sanitario (Arcsa) ukuwan, mayhan hampipash runakunapak allikawsayta llakichinata rikushpaka mana arinishunchu nirka, ashtawan runakuna ama rantichun, ama hapichun harkashun rimarka. Runakunata, llaktakuna kay dióxido de cloro hamiwan hampirinkapa rantikun, Covid-19 unkuyta hampinkapaka hampi mana tiyanchu nirka.
Kunan rimankuypika: Johanna Cedeño, Luis Pachala, Karina Arteaga, Jimmy Candell, Carmen Rivadeneira, Ángel Gende, Pinuccia Colamarco kamachiy killkakkuna, tawka yuyaykunata churarka, chayta rikishpa, uyashpa Ministro de Salud kamachik kushilla karka, lay rimanakuyta pushak Zevallos kamachikman tapuykuna killkashpa kachana nirka. kay Función Legislativa kamachiyta hapishaka, ña mana Hampik kamachikta kutintak kayanata yuyarirka.
Tukuripi, Finanzas, Richard Martínez kamachikta kayankapa, kamachiy kikllkakkuna 10 apuchiwa arinirka, shuktak kamachikkuna Humanitaria kamachiywan llankakuktapash kayankapa yuyarirka, chay posgradistas hampikkunamanta rimashpaka, llankashpa katichun yuyarirkas
EG/ea/jc-kichwa
