Mamallakta Tantanakuy ukupi kamachiy killkakkuna 126 apuchiwan ista wampukkuna kamachiyta pakishpa chalwakta supaycharka
Ista wampukunaka Ecuador llaktapak mamakuchapi chalwarka, Islas Galápagos llakta, Reserva Marina de las Islas kuchuman chalwashka.
Chaytami kay supaychashkawan harkanka, wakin chalwakuna, tukuysami kawsaypash, uchilla chalwakunatapash wañuchikpi ña chinkarikun.
Shinallatak kay llakikunata katichun Comisión de Relaciones Internacionales tantaripak makipi churarka, paymi arinishka nikunata paktachinka katinka, Acuicultura kamachikta, Cancillería kamachikta, Defensa kamachikta, Armada kamachikta, Consejo de Gobierno de Galápagos kamachikta, Centro de Inteligencia Estratégica kamachikta kayanka, paykunawan shuk willayta killkanka, Mamallakta Tantanakuyman 45 punchapi riksichinka.
Ay rimanakuytaka Dallyana Passailaigue, kamachiy killkak mañashkami kan, sapan watami chay China llaktamanta wipalawan chalwan nirka, walwashpa kullkita hapina kuchamantami paykunaka chalwata hapin, walwakunata wakllichin, chalwakuna mirarina kuchata wakllichin, rimarka.
Kamachiy killkakkunaka, utkashpa Armada kamachik, Fiscalía General kamachik, Procuraduría kamachik, chay llakikuna imashinakashkata taripachun mañarka, mayhan ñanta kukpi ista wampukkunakuna hapishkata taripachun mañarka, Ecuador llaktapak Zona Económica Exclusiva kuchapi, Reserva Marina Galápagos kuchapi chalwakushkata willachun mañarka, chay Derecho ecuatoriano e Internacional kamachiymanta mana karuyashpa taripachun mañarka.
Chay Ministro de Defensa kamachik, Mamallakta Tantanakuyta pushakman ña taripashka willayta chayachinka, chaypimi Plataforma del Ecuador Continental karmata, Plataforma Insular de Galápagos, 200 millas marinas suniman kashkata riksichinka, shinallatak Plataformas Submarinas de Colón, Cocos, Carnegie hawa willanka nirka.
Tukuripika, kay taripayta 2022 watakama Mamallakta 200 millas yalli kachun yachayta, tuputa churanata makipi charin nirka, shinami Convemar hatun yuyarita paktachinka rimarka, kay llankayta rurankapa mushuk sumak rurayta mashkan, shuktak wampukuna ñukanchikpak suyuman, llaktaman ama yaykurichun chapankapa mushuk wampukkuna mutsurin nirka.
MG/cz/jc-kichwa
