Ancha unkuykun, mana riksishka unkuykuna rikurishkamanta Mamallakta Tantanakuy runakuna chay hampikunata chashkishpa hampirichun chapanka.
Chaytami kamachiy killkakkuna 121 apuchiwan arinirka, shina unkushka runakunata yanaparka.
Kay arinishkunata Ministro de Salud Pública, Juan Carlos Zevallos rikushpa, kay Hatun kamachik Mamallakta Tantanakuypak ñawpakpi hampikuna chayachun arininka, shinallatak kay Covid-19 unkuyta harkankapa imashina runakunata yachachishkata riksichinka.l.
Shinallatak Consejo Directivo del Instituto Ecuatoriano de Seguridad Social (Iess) kamaywasita pushak, Jorge Wated, kamachik mana riksishka, ancha unkuyta charik runakuna hampirichun hampita chayachinamanta mañayta chayachin, ashtawanakarin chay Covid-19 unkuy purikuy punchakunami unkukkunata hampichun kayarka.
Kay Lourdes Cuesta, kamachiy killkak, ancha nunkuyta charik runakuna hampita charinkapa ama kamachikkunapakman richun, awllikkuna unkukkunata hawalla chaskichun, hampikunatapash utka chayachichun mañarka.
Paymanta, René Yandún, kamachiy killkak kamachiypak wakin nikikunata mana alli kashkata rikuchirka, tawka pata unkuykunaman hampikuna chayachun, kamachiy mana allita rikuchin, kay llakika tawka watakunamanta washaman shamun nirka, hatun unkuy rikurishkamantakarin hampita mana chayachishkata riman.
Kamachiy killkak, Israel Cruz, Código de Salud kamachiypak wakin nikikuna mana alli kan nirka. Shinallatak Fernando Flores kamachiy killkak, mayhan Catastróficas unkuyta charik runakunataka shukpaklla, tukuylla hampina wasikunapimi kallaripi churashpa chaskina kan nirka, kamachiyta pakik awllikkunata wanachina kan nirka.
RSA/ea/jc-kichwa
