Mamallakta Tantanakuypi 79 ari apushitaywanmi Código Orgánico de Salud kamachiyta arinirka. William Garzón kamachi killkak, kay killkata riksichik shinallatak Derecho a la Salud Minkarishkata pushakmi, apushitayka tukuy kamachiyta arinichun kayachirka shinallatak Killkakamayukman rikuchin yupay nikita paktachun chayachina, Llakta pushakman chayachinapak ñawpa, nirka.
Arinishka kipa, Mamallakta Tantanakuyta pushak, César Litardo Caicedo kamachi killkak, kay kamachiy ancha mutsurishkata rimarka shinallatak kay kamachiyka Ecuador llaktapi hampinata yanapanka, nirkami.
Rimarishka
Mamallakta Tantanakuypi apushitay paktana ñawpa, kamachiy ruraypi kimirik tantanakuykuna yanaparka, kay kamachiyka kaytami charin (Título Preliminar y III libros: I Sistema Nacional de Salud, II Cuidado Integral de Salud y III Régimen de Control y Sanción en el Sistema Nacional de Salud), shinallatak killka nikikuna, hatun kapak killka, shuktak killkakunapash.
Kamachiy killkak ninmi kamachiy rurayka sinchiy achka pachakunatammi paktashka, shinapash, tukuy wankurishpa shinallatak minkarishkapi llankak, ishkay niki rimanakuypi kamachiy killkakkuna yuyay chayachishka, nirkami kay Código kamachiypi mushuk yuyaykunatami tantachishka, unkuy harkanapak, kallaripi hampinata sinchiyachinapak, oncología unkuyta harkanapak shinallatak uma unkuyta rimanapakpash.
Shinallatak, Garzón kamachiy killkak ninmi kay kamachiyka Llakta wiñarinapak Desarrollo Sostenible 10 paktanatami mashkan. Kay kamachiyka Acuerdo contra el Cáncer tantanakuypak yuyaykunata tantachin.
Kamachiy yanapay.
Kay Código de Salud kamachiyka shinallatak tukuy hampinata rikunapak, hampinata rikuk willachiy, chuya yakuta charinapak hayñita paktanata tinkichik, hampikunata, mikunakunata rikunapak charinapakpash.
Llaktapura kawsanapak yuyaywan, Código kamachiyka tukuytami hampinapi yanapanka, shinaka pakta pakta, utkashpa, alli yanapaywanmi paktarinka.
Shinallatak, kamachiyka cáncer unkuyta rikunapakmi yanapan, catastrófica unkuypakta rikunkapak yanapankapak. Hampinapi yanapayta sinchiyachinapak kallaripi rikuywan utkashpa rikunapi.
Shinallatak, kamachiyka hampina wasikunata riksinapak shinallatak mamakuna chuchuchinapak yanapanka shinallatak ukllanapakpash.
Mamallakta Tantanakuy kamachiyta arinishka kipa Llakta pushakman chayachinapak paktarina.
SV/cz/cgc-kchw
