Kay Comisión del Derecho a la Salud tantari, William Garzón pushashka, tisikupanka hawa willayta killkankapa rimaykuna, yuyaykuna chaskinata tukuchin.
Tawka runakuna tisiku kani nishpa yanka pankata hapishka. Kipa punchakuna imashina willay killkarikushkata kamaykunka, chaywasha Mamallakta Hunata rimanakuyman churanka.
Kay rimanakuyka kay wata, 20 puncha, sitwa killapi kallarirka, chaytami tukuykuna riksina kanchik nirka.
Chayka Mamallakta Tantakuy raymi killa, 14 puncha rimashkata kutichin, shinami Centros de Salud del Ministerio de Salud Pública kamaywasi panta llankashkakunata taripanka, tawka tukuylla mitachik kamachikkuna kamachiyta pakishpa llakishakta riksinka.
Kuna puncha, Francisco Pérez García, coordinación Zonal 8 del Ministerio de Salud Pública kamachikta chaskirkarka tisiku pankata chaskinkapa imatalla rurashka willarka. Payka Guayaquil llaktamanta kan, 2014 watapi antawa sinkushpa tisiku tukushkamantami tisiku pankta hapirkani nirka, shinapash mana hawa karka, harkaykuna tiyarka, 42% patrsakri chukri kashkamanta pankata kurka, chaypaki katishka pankakuna wakay chishka sakirka nishpa willarka.
Rikuk Pablo Ruíz kamachik kushiykuyta kurka, Conadis kamaywasiwan kimirishpa alki yuyayta kurka, taripaykuna rurankapa kuskata kuchun mañarka, kay yuyayta Gladys Montaluisa taripanata rikuk kamachikwan kimirishpa yanka tisiku pankata hapishkamanta taripanka llankakunchik nirka. Conadis kamaywasi kay llakikunata, tisiku runakunata rikunata charin nirka.
Tayta Félix Galarza, Organizaciones de Discapacidad del Ecuador tantarita pushak, kay “corruptela de los carnés de discapacidad” llakita rikushpa, kay wata pawkar killamanta, raymi killakama tisiku pankata kamachikkuna kushkata taripana rimarka, chaywan imarayku tisiku pankata yanka kushka hawa riksishun nirka.
RSA/jc-kichwa
