Kunan puncha, 10h30 sayllata Comisión de Participación Ciudadana y Control Social tantari Cynthia Viteri Guayaquil kiti pushakta chaskinka.
Payka chay kitipak Cuerpo de Bomberos kamaywasipi llankakkunawan llaki tiyashkata willanka.
Kay tantarita pushak Raúl Tello, kamachiy killkak chay Cuerpo de Bomberos de Guayaquil kamaywasi llankaypi llakita charishkata riksichinka.
Chay llakita rikushpa, tawka runakuna imashina kay kitipushak llankay kallarishkamanta llaki tiyashka kamachikkunaman willarka, chaymanta Mamallakta Tantanakuypak minkashkuna chay kamachikta kayarka, paymi ashtawan achikyachishpa riksichinka.
Runakunaka chay Covid-19 unkuyta harkankapa hampikunata yalli kullkipi rantishkata atirirka, chay llakimanta mayhan kakta Kitipushak rikushka, riksishkata willachun mañarka, chay llakimanta mayhan shina llakita rurakkuna kayashka, wanachishka willachun kamachiy killkakkunaka mañanka. Kamachiyta pakishkata ñachu allichishkata willanka.
Shinallatak Cristian Petersen chay chushak tiyarina rimanakuyta katishpa pay riksishkata willachun mañanka, payka Concejo Municipal kunak kamachikkunapak ñawpakpi rimanka, chaypi pay riksishkata allinta willanka.
Kay rimakuypillatak Martín Cucalón, Jefe de Bomberos de Guayaquil kamachikta, shinallatak Ernesto Tarira, kamachikta chaskinka, payka yallik bombero llankakmi kan, pay imashina llakikuna rikurishkata willanka.
SV/ea/jc-kichwa
