Kay Grupo Parlamentario por la Niñez junto a la Comisión de Derecho a la Salud tantari chay “Vacúnate Ecuador: Desafíos y Estrategias para Garantizar el Derecho a la Vacunación en el marco de la pandemia Covid-19” yachayta pusharka.
Tayta Edson Aguilar, Voces Ciudadanas tantarita pushak achkata riksichirka, willarka.
Chaymanta, allikawsayka tukuy runakunapak hayñi kan, kay hatun unkuy purikuk pachapi ashalla unkunchik hampita hapinaka may allimi kan nirka, kay mutsuykata kallaripimi churana, rimarka.
Kamachiy killkak Ángel Sinmaleza ashallata unkuchik hampika tuykunapak mushuk kawsaypak alli ñanta kunka, kaytaka Ministerio de Salud Pública (MSP) kamachikmi paktachinata charin, chay hampita rantinkapa mashna kullkita churanata willachun mañarka.
Paymanta, Valeria Lozano, kari warmi wawakunapak, imillakunapak shutipi hatun unkuymi alli allikawasyta charinata harkashka. Chaymanta tukuyta hampina, chaywan mana alli mikuyta, zalayayta harkachun alli mikunata, awki mikunata charichun kamachikkuna yanapanata charin rimarka.
Shinallatak, Francisco Cevallos, Consejo Nacional para la Igualdad Intergeneracional tantarimanta, allikawsay kamachikkuna runakunata, llaktakuna, kari warmi wawakuna, imillakuna ama unkuchun hampikunawan, hapi hillaykunawan yanapachun, shina unkuyta harkachun mañarka.
Manarak rimanakuy tukurikpi, kamachiy killkak Franklin Samaniego allikawsayta kamankapa, ukllankapa kamachikkuna kullkita churachun mañarka, shina runakunapak hayñita paktachichun mañarka, kamachikkunapak makipi churarka.
Ña tukuchinkapa Edson Aguilar kamachiy killkak, Mamallakta kamaywasikunapak, istallakta kamaywasikuna, kamachikkuna allikawsay tiyachun, kari warmi wawakunata, imillakunata yanapashkata riksirka. Kay llankaykuna ñawpakman katichun shuk rimanakuna patakuta wiñachina nirka.
SV/ea/jc-kichwa
