Kay Comisión de Biodiversidad Códigos de Ambiente kamachiyta, kay Organización Territorial, Autonomía y Descentralización (Cootad) kamachiyta atinakun.
Kay kamachiykuna pachamamata kamankapa yanapanka, ñanta paskanka.
Hatun kamachikkuna kunan pachapi pachamama wakllirishkata rikunata charin nirka.
Chaywanmi paypak llankana allpa ukupi sachakunata, sacha wiwakuna tiyakpi kamachun yanapanka.
Minkashkakuna alli pachamamapi kawsankapa kamachiykuna allita rimana kan, kamachiykuna yanapanata charin rimarka, pachamamapak hayñita mana pakina, mana wakllichishpalla llankana, shinami allikawsay hayñita paktachina rimarka. Shinami alli pachamamata charina, ñukanchik kawsaypi kushilla kashpa sumakkawsayta paktachina kanchik, rimarka. Maypi pachamama pakirishka kakpika kutintak allichina kachun mañarka.
Tawkasami hatun kamachik patakuna tantarishpa mayukunata, kuchakunata, yaku ñawita kamankapa, wakllirishkata allichinkapa Código Orgánico de Ambiente (COA) kamachiypak 26 nikita allichina nirka, chaypak Gobiernos Autónomos Descentralizados (GAD) kitikunapak kamachikwan makita kushpa llankana kachun mañarka, shinami mayukuna, sachakuna, kuchakuna, waykukuna, lluchka pampakuna, nuyuy pampakuna kutintak kawsarimunka, yapa rimarka.
Kay Fredy Alarcón kamachiy killkak, rimanakuna patakunata pushak, chaytami Ministerio del Ambiente kamachikmi wakaychishka allpakunata saywashpa charinata rimarka, chaypimi wiwakuna, sachakuna, yakukuna, runa llaktakuna ukllanka, shinallatak Brenda Flor kamachiy killak maypi pachamama wakllirishkata riksina kanka nirka. ,
Minkashkunapash pachamamata ukllankapa shuk nikita churana nirka, kamachiypimi pachamamata mana wakllichinkapa mañaykunata, sumakruray mutsuykunata, paktachik nikikunata churana nirka. Maypi pakirinalla pachamama llika tiyak kushkakunapi hatun llankaykunata, ruraykunata mana rurana, maypimi uchilla wiwakunapak wasi tiyakta, kuriyurakuna, purik wiwakuna tiyak sachakunata mana kuchuchun alli pachamama kamachiyta churachun mañarka.
JLVN/ea/jc-kichwa
