Mamallakta Tantanakuy 681 yupay rimanakuypi Comisión de Fiscalización y Control Político tantarita allichinamanta atinakurka.
Kunanpi chay tantariman yaykurishka kamachiy killkakunata runakuna, kamachiyikuna ña mana iñin nirka, tukuy Mamallakta Tantanakuyta mana alli rikuchin nirka.
Kamachiy killkak, Alberto Arias, Mamallakta Tantanakuyta pushak César Litardo Caicedo, ñanta allichinamanta willachun, Procurador General del Estado kamachikta kayashkata rimarka.
Chay Comisión Especializada Permanente tantarimanta rimanamanta kayana karka nishpa atirirka, shinashpa minkashkata allichinata rimarka.
Paymanta, José Serrano Salgado, kamachiy killkak, Comisión Especializada tantaripak llankayka alli ñawita charina, mana kamachiytalla killkana llankaychu kan nirka, llakikunata charikta huchachinata llankaytami charin. Chaypak mana llulla, shuwa kamachiy killkakkuna kana kanchik nirka. chaymanta Comisión de Fiscalización tantari ukupi shuktak kamachiy alli kamachiy killkakkunata churana kan nirka.
Kunan punchakunaka, mana hatun unkuymantalla llaki tiyachun, kullki llakimi, kamachikkuna, hatun kamachikkuna wanachishka llakipash achka kan nirka. Chay yuyaykunata hapishpa: Fernando Flores, Fausto Terán, Marcela Aguiñaga, Johanna Cedeño Zambrano, Para Eddy Peñafiel, Lourdes Cuesta, Jeannine Cruz, Ángel Gende, Elizabeth Cabezas Guerrero, Dennis Marín, Raúl Tello, Juan Cristóbal Lloret, Fernando Callejas, René Yandún, Amapola Naranjo, Mercedes Serrano, Juan Cárdenas, Alberto Zambrano, Luis Pachala kamachiy killkakkunapash Mamakamachiy rimashkata paktachina nirka, shina Mamallaktapak llankayta katik tantari kuntintak hatarichun allichishun mañarka.
Tayta, César Litardo Caicedo, Mamallakta Tantanakuyta pushak kunan puncha, 11 sayllaman kamachiy killkakkuna tantariman, atinakuyman shamuchun kayarka, kay sayllatami Comisión de Fiscalización tantariman shuktak kamachiy killkakkunata churanka, paykuna sinchita llankanka.
EG/ea/jc- kichwa
