Mamallakta Tantanakuy kaya puncha Día Nacional de la República puncha chay Primera Constitución Política de la República del Ecuador kakpi, hatun aknayta chayachinka.
Chayka, Riobamba llaktapi, 1830 watapi kallari Mamakamachiy killkarirka, chay watamanta ñukanchik Mamallakta tiyarirka.
Chaymanta, César Litardo Caicedo, Mamallakta Tantanakuyta pushak Sesión Solemne aknayman kayarka.
Shinami kaya puncha 10h00 sayllata achka kamachiy killkakkuna chayakpi kallarinka. Kay aknayka Himno Nacional hayllita takishpa kallarinka, chay Día de la República puncha kashkamanta Mamallakta wiñarishka wiñaykawsayta rikschinka.
Kimsaniki rimaypika, chay Escuela Superior Politécnica de Chimborazo yachana wasimanta shuk yachakuk Mamallakta wiñarishkata willanka. Kay aknayka Chimborazo llaktamanta kamachiy killkak rimashkawan katinka, kipaman Mamallakta Tantankuypak yuyarita kushpa warawanka chayachinka.
Kay Jaqueline Costales wiñaykawsayta killkak, shuk Matilde Hidalgo warkunata chaskinka; chay Team de la Universidad Nacional de Chimborazo (UNACH) yachanawasika, Pedro Vicente Maldonado al mérito académico warkuta chaskinka, Mamallaktapak yuyaritaka Lorena Freire, por el Festival de los Andes, chaskinka.
Kay arinishka pankaka, kuski killa, 11 punchata, Día Nacional de la República shutichirka, kay yuyaritaka Israel Cruz kamachiy killkak churarka, chaytami Mamallakta Tantanakuy, 2017 watapi shuk yuyarita arinirka.
Shinallatak Mamallakta Tantanakuy, sapan wata, Riobamba kitipi, kuski killa, 11 puncha shuk rimanakuyta charirichun arinirka, chay llaktapimi Ecuador wiñarirka. Shinapash kunan wata chay sin Covid-19 unkuymanta mana pusharirka, shamuk watakuna paktachinka.
SV/ea/jc-kichwa
