Mamallakta Tantanakuypak 656 yupay rimanakuypi 18 kamachiy killkakuna yuyayta churarka.
Paykunaka chaypi Función Legislativa (LOFL) kamachiyta kutintak allichina hawa rimarka, 11 watata ña kamachiy llankashkamanta yuyay ukuta, hawata allichina nirka.
Chaymanta nikikunata allichishpa Mamallakta Tantanakuypak llankaykuna sinchiyanka kamachiy killkakkuna rimarka.
Shinallatak kay Unidad de Control Presupuestario del Estado tantarita, Comité de Ética tantarita wiñachina rimarka.
Chaymanta paykuna shuwa kamachiy killkakkunata llankaymanta hawalla surkuna kachun mañarka, shinami kay ishkayniki rimanakuypi yuyaykunata churarka. Paykunaka Comisión de Fiscalización shuwakunata katishkata llankayta rurashkata Mamallakta hyunta tatari hapishpa arinichun mañarka.
Shinallatak Mamakamachiyta allichinkapa mashna apuchikunawan allichinatapash rimarka, kallaripika tukuy hawalla apuchina, ishkaynipika tukuy mashna tiyak kamachiy killkakkuna apuchichun mañanata churana nirka. Shinallatak hatun killkakamayukta, kipakillkakamayukta chay rikushka apuchikunawan apuchinata riman. Wakin killkamayuk llukshikpi shuktak katik mushuk killkakamayukta churanamanta rimarka.
Kipamanka, kay Comisión que Atiende Temas de Niñez y Adolescencia tantari unipak llankashpa katichun mañarka, Mamallakta hunta rimanakuypi kunanshina, kamachiykillkakkuna ama 10 chinikuta rimachun, kamachiyta arinikushpa kimsa chinikutalla rimachun mañarka.
Kamachiyta arininkapak willaykunapash Mamallakta Tantanakuy riksishka kachun nirka. Kamahiy killkakkunamanta kimsapi rakishka arinishpa apuchichun, chaywan kamachiy arinishka sakirichun mañarka. Tukuy kamachiypak willaykuna kay Consejo de Administración Legislativa (CAL) arinishka kachun yuyachirka.
Shinallatak, Mamallakta Tantanakuypak willaykunata wakaychinka rurashpapampata wiñachina nirka, shinallatak Comisión de Derechos Humanos tantarita wiñachina, kay “asambleísta por un día” rimanakuy ashtwan ñawpak katichun, ama chaypilla sakirichun mañarka. Kamahiy killkakkuna iama takarita charishpa anchurikpi, paypak llankay chaykamalla chayachun mañarka. Mamallakta Tantankuypak kallari rimnakuypika yalli apuchita charik llaktay tantari rimayta charivchun, mana kunnshina kachun nirka. Machashka kamachiy killkak ama hunta rimankuyman chayachun harkachun rimarka.
Mamallakta Tantanakuypak ishkay hatun rimanakuypi kay Función Legislativa kamachyta allichinamanta 32 kamachiy killkakkuna rimarka. Tukuchnkapa Patricio Donoso, Mamallakta Tantankuypak ishkayniki rimayta charik rimarka, paymi kaykutinka Mamallakta Tannakuypak 656 yupay rimanakuyta pusharka.
JLVN/ea/jc-kichwa
