Mamallakta Tantanakuyta pushak, César Litardo, kaya punchapak kamachiy killkakkunata kayarka, 15h00 sayllamanta 683 yupay rimanakuy kallarinka.
Chaypi pichka iñukunata rimanakunka, chay Mamallaktapak, istallaktakunapak munaykunata atinakunka.
Kaya puncha rimanakuna iñukunapimi shuk Código Orgánico de la Función Judicial kamachiyta atinakunkapa willaykunata rikunka, katipika Imprescriptibilidad de los Crímenes de Guerra hawa, Crímenes de Lesa Humanidad hawa mana chinkachinata rimanka.
Kay Código de la Función Judicial kamachiyta Comisión de Justicia minkashkata, Ximena Peña, tantarita pushak, pay killkashkamanta, pay kay kamachiy arinirichun pushakkushkamanta tukuri killka pankata churachun mañanka, chaymanta Mamallakta Tantanakuy ishkaykutin atinakuypi nikikunata allichinka, kay kamachiytaka 2018 watamanta allichishpa shamun, sarun hunkapipash atinakurka.
Kaya Mamallakta Tantakuy kimsa arinikunata charinka, shuktakka Superintendencias de Bancos y de Economía Popular y Solidaria kamachikkuna kamachiy killkakkunapak ñawpakpi rikurinka, paykuna imashinatak kullkiwasikunata mañashka kullkita kuna hawa willayta uyachinka, Mamallaktapak kullki wasikuna, mana kullkiwasikuna kullkita mañashkata kuchun rimanka.
Ishkay rimaypika, Ministro de Economía, Richard Martínez kamachik, Mamallaktapak Federaciones Deportivas tantariman kullkita utkashpa churachun mañanka, chaypi llankakkunaman, pukllakkunaman kullkita churachun mañanka.
Tukuripka, Eliseo Azuero Rodas, yallik kamachiy killkak llakita charishkata rimanakunka, kay hawaka tukuykunami sarun kuski killa, 4 punchapi Comisión Multipartidista de Investigación tantari arinishkata kutintak allita rimanka.
MG/cz/jc-kichwa
