Kay Ministro de Salud Pública, Juan Carlos Zevallos kamachik, mana riksishka, ancha, sapalla unkuykunata hampinkapa kullki mana tiyan nishpa willarka.
Shuklla hatun kullkiwanmi tukuysami hampikunata rantirin nirka. Sapan hampik kamaywasikunami wawakullkipak kullkita mañashka hampikunata rakin.
Kay Comisión del Derecho a la Salud tantari, Secretario de Estado hatun kamachik ancha unkuyta, mana riksishka unkuyta charik runakunaka Comorbolidades unkuymanta yallita llakirishka kan, chaymanta shuklla hampita hapin, shuktak hampikunapash mutsurin nirka.
Kay 2017 watapi hampita rantinkapa, tukuyta tantachishpa 200 hunu kullki tiyarka, chay kullkimanta 197 hunu kullki chayarka; 2018 watapika 193 hunu kullki tiyarka, chay kullkimanta 149 kullki chayarka; 2019 watapika 191 hunu kullkita tiyarka, chay kullkimanta 158 kullki chayashka; kunan 2020 watapika, 108 kullkilla chayarka, chay kullkimanta 64 kullki chayashka.
Kay Ministerio de Salud Pública kamaywasi, Zevallos Hatun Kamachik pushashka, tawkasami unkukkuna mutsushka hampikunata rantinkapa achka kullki mutsurin nirka, chay kullki ukupi mana riksishka, ancha, sapalla unkuyta hampinkapa kullki chayamunka nirka, shina tukuykunapak hampi chayamunka.
Shinami, Sebastián Palacios kamachiy killkak, maypitak ancha unkuyta charikkuna, mana riksishka unkuyta charik runakuna hampirina wasi tiyakta rikuchichun mañarka. Kutin Ángel Sinmaleza kamachiy killkak, kay Mamallaktapi tisiku runakunapak shutipi kamachik munashkata rurakushka mana alli rikuni nirka, kay ruraykuna achka llaktapi kawsak kari warmi runakunata llakichuin nirka.
Kay Ministro de Economía, Richard Martínez kamachikta, Comisión Legislativa tantari, chay kamachik, Mamallakta Tantanakuyman chayamuchun mañarka. Kayashka kamachik kuna puncha Mamallakta Tantanakuypak wasiman willankapa mana shamurka, chayta rikushpa Kamachiy killkakkuna piñarirka, chaymanta shuktak ñankakunata kutintak kayankapa yuyarirka.
RSA/cz/jc-kichwa
