Kay Comisión de Soberanía y Relaciones Internacionales tantari, Fernando Flores Vásquez kamachiy kilkak pushashka, chay Ministra de Gobierno kamachikta, Comandante de Policía kamachikta kayarka.
Shinallatak, Director General del Instituto de Seguridad Social de la Policía Nacional (Isspol) kamachikta, Gerente General del Banco Central del Ecuador (BCE) kamachikta kayarka.
Katipika, Superintendencia de Bancos kamachikta, Bolsa y Mercado de Valores kamachikta, paykunawan Isspol kamaywasipak kamayta rikunka.
Paymanta, Ministra de Gobierno, María Paula Romo, kulli shuwata katishpa, Isspol kamaywasipak 800 hunu kullkita shuwashkata kutintak tarinamanta rimarka. Chay kamaywasika kamarikullkita hapishpa llankaypi churak karka.
Kallaripika Swap kullkita 2015 watapi 327 hunu kullkita churarka, chay 2014 watapika ishkaykutin hapirka. Kay kullkita ama yanka tukuchinkapa chay Depósito Centralizado de Compensación y Liquidación de Valores (Decevale) wasipi churarka.
Chay Decevacle llankakwasi, Isspol churashka kullkiwan llankarka, chayka Panamá llaktapi tiyak karka, chay llaktapika Jorge Chérrez Miño llankakwasiyupak makipi karka, shinallatak IBcorp (Investments and Business Group S.A.) wasita; chay HYBF (High Yield Bond Funding Corp) llankakwasita charirka. Kay llakikunata rikushpa Ministra Romo kamachik, Isspol kamaywasipak llakitaka Superintendencias kamachikkuna rikunka nirka.
Chay rimaykunata uyashpa, General Patricio Carrillo, General de Policía kamachikka Seguridad Social Policial kamaywasipak hatun llakimi kan nirka, kay kamaywasipi llankakkunapak kullki illashpa paypak ayllukunata llakichin rimarka, Isspol kamaywasi llakita charishpa kullita hapishpa mutsurishkata rantinkapa karka. Chaymanta kunan tawka kamachikkuna, kamaywasikuna makita kushpa shuwashkata taripana nirka.
Kutin, Ricardo Hidalgo Ottolenghi, Universidad Técnica Equinoccial (UTE) yachanawasimanta hatun kamachik, Isspol kamaywasika shuktak kamaywasikuna, llankakwasikuna kullkita kamachun, tukuchichun sakirka nishpa riksichirka. Kay kamaykunaka Mercado de Valores del Código Monetario y Financiero kamachiy rikushakami kan, nishpa riksichirka.
Kay Isspol kamaywasika 2016 watakama chapak kamachikkuna pushashka karka. Chay watamanta Instituciones de Seguridad Social kamachiyta mushukyachishka kipa Directorio del Isspol ukupi Ministro del Interior kamachik pushak tukun, kay Isspol kamachik 20 punchapilla hatun llakita rurarka.
Kanchis pachata rikurik kamachikkunawan rimanakushpa, René Yandún rimanakuna tantari pushak rimanakuyta pitirka. Payka tukuy yuyaykunata pallashpa alli taripaykunata churarka.
EA/cz/jc-kichwa
