Mamallakta Tantakuy 115 apuchiwan chay superintendentas de Bancos, Ruth Arregui Solano kamachikta kayanka.
Shinallatak Economía Popular y Solidaria, Margarita Hernández Naranjo kamachikta; Junta de Regulación Monetaria y Financiera, Richard Martínez kamachikta kayankapa arinirka.
Paykuna imashina tukuylla kullkiwasiman, Sistema Financiero Nacional wasiman, shukpak kullkiwasiman kullkita chayachinamanta rimarka.
Kay Superintendencia de Bancos kamaywasimanta, kunankama imakkunata tantashkamanta pukuchik wachumanta yapa, chikan chikan antawata purichikkunaman kullkita mañachishtaka willanka, shinallatak riksina kuskamanta imashina kullki yaykukushkata willanka.
Chaykunata rikushpa, chay Comisión de Fiscalización y Control Político tantariman yaykurishka kamachiy killkakkuna, imashina chay Superintendencia de Bancos kamaywasi, Superintendencia de Economía, Popular y Solidaria kamaywasi, Presidente de la Junta de Regulación Monetaria y Financiera kamaywaasi llankashkata rikuchinka, chay kipa Mamallakta Tantanakuypak hatun rimakuyman rikurinka.
Chikan chikan llaktay tantarimanta kamachiy killkakkuna, Alberto Arias kamachiy killkak churashka yuyaykunata yanaparka, chaymanta Superintendencias de Bancos kamachik, Economía Popular y Solidaria kamachik paykuna llankashkata riksichichun mañarka, tukuylla kullkiwasikuna, shukpaklla kullkiwasikuna Kamachiyta pakishpa paykuna munashkata ruran nirka.
Tayta Alberto Arias, kamachiy killkak, kay Apoyo Humanitario kamachiy, 12 nikipi, chay Sistema Financiero Nacional llikana, mana kullkiwasiman kullkita chayachinkapa tatkikunata allichichun rikuchin, chayta katina kan, rimarka.
JLVN/cz/jc-kichwa
