Mamallakta Tantanakuyta Pushak, César Litardo Caicedo, kayna puncha Tungurahua llaktapi runakunamanta, kamachikkunamanta yupaychayta chaskirka.
Hatun Kamachik, Apoyo Humanitario Kamachiy imashina paktanamanta rimarka, kay kamachiyka llakta runakunapak llankaypi kullkiwan yanapanka nirka.
Chay Junta Monetaria kulli kamachik mutsukpimi kay kamchiyta Mamallakta Tantanakuy ukupi kamachiy killkakkunawan arinishkata willarka.
Chay Pelileo kitipi, César Litardo Mamallakta Tantakuyta pushakka, Apadrina un Futuro’ Tungurahua markapi tukurka, kari warmi wawakuna, imillakuna paktarunakuna paykunapak yachaywan katichun zirka sumakruraywan yanapashun, rimarka. Shinami chay llaktapi kawsak runakuna riksinata charin nishpa willarka.
Chawpi punchapi chay Universidad Autónoma de los Andes (Uniandes) Hatun Yachanawasiman chayarka, chayka Ambato kiti ukupi sakirin, chaypimi Facultad de Ciencias Médicas yachana uku, alli sumakruraywan hampinata rurakushkata riksirka. Pay Mamallaktapi alli llankaykunata rurakushkamanta kamachikkuna 'Scientia Scientiarum Libertate' kamarita kurka.
Kipaman César Litardo, Mamallakta Tantanakuyta pushak, Mercado Central de Ambato katuna, rantina wasiman chayarka, chaypi uchilla llankakwasita charikkunawan shuk rimakuyta charirka, kay Humanitaria y de Emprendimiento kamachiy paykunata yanapakushkata riksichirka.
Katipika antawata purichikkunawan tantarirka, chaypi Tránsito kamachiy mushukyakushkata riksichirka. Chay washa Gobernación de Tungurahua hatun wasipi marka kamachikkunawan rimankauyta charirka, chaywan tutapi llankayta tukuchirka.
RC/cz/jc-kichwa
