Kay Simón Pachano, Santiago Basabe llaktaymanta yachakkuna, Stalin Raza Mamakamachiymanta yachak, Mamallakta Tantanakuyta ishkaypi rakinamanta mushuk yuyaykunata churarka.
Chaypak Mamakamachiyta allichinata Comité por la Institucionalización Democrática tantari achkata rimarka.
Amawtanyachak Santiago Basabe Mamallakta Tantanakuyta ishkaypi rakimananta Código de la Democracia kamachiyta allichina nirka, ashalla llaktay tantarikuna tiyachun harkna hawa mañarka, mushuk llaktay yuyaykunaka mana Mamallaktapak llakita allichinchun nirka, runakunami alli yuyayta charishpa llakitaka allichin, rimarka.
Tayta, Simón Pachano rakirishpapash ishkantin Hatun tantarimi alli kan nirka. Chayta paktachinkapa akllashka mushuk rikuykunata churana, shinapash Kamachiyta allichina achka pachata charinka nirka. Mashna kamachiy killkakkuna tiyarinatapash rikuna. Hatun yuyayta charik runakuna akllarishpami rakirina man hawalla kan, ishkantin Mamakllakta Tantanakuyman 4 watata llankana pacha kachun nirka.
Paymanta, Stalin Raza Mamakamachiymanta yachakka, Mamallakta Tantanakuy ishkaypi rakirichun mana yuyayta charinchu. Mamallakta Tantanakuymi Mamallaktapak alli kak mana allli kakta rikunata makipi charin, nirka. Chaypak achka kamachiy killkakkuna apuchiwan yanapanata charin rimarka. Kullkimanta hatun yuyaykunapash kay Mamakamamchiy allichirinapi yaykuna kan rimarka.
Kamachiy killak, Fabricio Villamar, tawka iñukunata ashtawan ukuman rikuna kan, chaywan Mamallaktapak llankayta sinchiyachichun, chaywan Mamallakta Tantanakuyta ishkaypi rakina hawalla kachun mañarka, kamachiy killkakunapak yupayta ashayachina.
Shinallatak Héctor Muñoz kamachiy killkakka, Mamallakta Tantanakuyta ishkaypi rakishpa Mamallaktapak hatun llakikunata, mutsuykunata mana allichinchu rimarka, chaypak ranti kamachiy killkakkuna achiklla llankachun mañarka. Elizabeth Cabezas, rimanakuna patakuta pushak, kay yuyaykunami willay pankata allli killkankapa achkata yanapanka nirka.
RSA/cz/jc-kichwa
