Mamallakta Tantanakuy kamachiy killkakkunapak 123 apuchiywan kay Código Orgánico de la Función Judicial apuchiwan kay tuta arinirka, kamachiyka llaktayuk achiklla paktakayman yaykurichun kamanka.
Chaymanta, kishpichik kamachikkuna mana pantashpa, yanka llakichishpa kamaywasipak wallpa ukupi llanchachun rikurayanka.
Shinallatak llakita charikkunata zirmata katishpa wasimanta kayachun ñanta, ushaykunata, kamaykunata rikuchin.
Mamarak hatun atinakuy kallarikpi Comisión de Justicia tantari, Ximena Peña Pacheco pushashka, kay Código Orgánico de la Función Judicial 2018 watamanta, 2020 watakama allichishka kamachiy alli llukshichun wakin nikikunata allichishkata willarka, chaypak 20 rikuykunata charishkata riksichirka.
Kay kamachiywan shuwakunata, llakita rurakkunata harkanka. Shinallatak takankapa shuk ñanta kuna, shuwakuna tantarishpa shuwakta, huchata rurakta harkana ukuta wiñachichun ñanta kunka, runakunata wañuchikta supaychankapa sinchinta takanka. Kay llakikunata alli rikushpa, mana umarishpa kamachikkuna paktachichun mañanka.
Kay Fiscalía General kamaywasipi, Defensoría Pública kamaywasipi llankak kamachikkunata punchanta mushuk yuyayakunata, yachaykunata kuchgiun achkata yanapanka rimarka, shinallatak Función Judicial kamaywasi payllatak llankachun yanapanka. Chay yachaykunata Escuela de Función Judicial yachachikwasiwan kimirishpa kamachiykunata, hayñikunamanta, kamaykunamanta yachachichun punkuta paskan.
Kay Escuela de la Función Judicial kamaywasipi yachachishka, Fiscalía kamaywasipi yachachishka Defensoría Publica kamaywasipi yachachishka chay Consejo de la Judicatura kamaywasi kamachik tukushpa llankayman yaykurichun yachay patakunami kanka, chay rikushpa akllak yachakkuna akllashpa llankachik churanka.
Kay rimanakuyta wichkankapa tayta César Litardo Caicedo, Mamallakta Tantakuyta pushak, kay punchaka Mamallakta Tantanakuypak, Mamallaktapak hatun wiñaykawsay punchami kan nirka, kunan punchami imashina kamachiykunata alli kamankapa alli ñankunata arinishka sakirin, rimayta tukuchirka.
EG/cz/jc-kichwa
