Mamallakta Tantnakuyta pushak, César Litardo Caicedo, mañashkamanta kaya, 13 puncha hatun rimanakuyta charinka, 11h30 sayllata rimanakuy kallarinka.
Chaypmi Consejo de Participación Ciudadana y Control Social (Cpccs), Christian Cruz Larrea pushakta wanachinkapa atinakunka, kay wanachitaka Henry Kronfle kamachiy killkak churashkami kan.
Kay Christian Cruz kamachikpak llakikunata rikushka kipa, Mamallakta Tantanakuypak Fiscalización y Control Político tantariman yaykurishka kamachiy killkakkuna, 10 apuchiwan Cpccs kamaywasita pushak mana tisiku kakta rikuchishkamanta, pay charishka pankakuna llullata rikuchishkamanta, pay llankaypi yaykurishka llulla pankata rikuchishkamanta wanachinaman sakirika.
Shinami imashinatak tisiku pankata charshkamanta, kamachik tukukunkapa mishanakuypi yanka pankata rikuchishkamanta, tisiku runa kashkamanta paypak llankaypi Christian Cruz kamachik llakita charina karka, chayta mana rikuchishka taririrka. Chaypimi llulla kashkata hapitukurka, kamachiy killkakkunapash nchayta tarirka.
Shinallatak anta purichina “E” pankata charishkamanta, ñawi mana alli rikushpa tisiku runa kashpaka, “F” pankata charina karka nishpa atinakurka, ñawi alli rikuchun shuk hillayta charina kan nirka, chayta mana charishpa kamachiyta pakishkata rikuchirka. Chay llakikunamanta wanachina kan nishpa 10 kamachiy killkakkuna kaparirka.
Kay llakita rikuchun minkashkakuna: kay Cpccs pushakka, Administración, Utilización, Mantenimiento y Control del Parque Automotor uchilla kamachiyta rurarka, shinallatak chay Autorización, Cálculo, Pago y Liquidación de Viáticos y Movilizaciones de los Servidores y Trabajadores del Consejo de Participación Ciudadana y Control Social uchilla kamachiyta arinishka, chayka hatun pantami kan nishpa mancharirka.
Kay pushak kamachik pay mana rurana llankaykunata rurashkamanta, Pleno del Consejo de Participación Ciudadana y Control Social pay ruranata sakishpa kamachiykunata pakishkamanta, hatun hucha aparin nishpa kamachiy killkakkuna atirka.
SV/cz/jc-kichwa
