Kay Comisión de Biodiversidad tantariman yaykurishka kamachiy killkakkuna 11 apuchiwan Recursos Hídricos, Usos y Aprovechamiento del Agua kamachiyta allinchinkapa arinirka.
Chaymanta, yaku imashina taririshpapash Mamallaktapak wiñaypak charishka kanka.
Kutin Gobierno Central y los Gobiernos Autónomos Descentralizados (GAD) kamachikkuna rikushka kanka.
Kay kitipak GAD kamachik, paypak ushana ukupi yachaykuna, yaku tiyana llaktapi yaku ashtawan tiyachun ima mutsurishka uchilla mutsurishka hillaykunata ruranka, mapayashka yakukunata mayman kachana larkakunata ruranka, yanayashka yakuta chirli yakuman tikrachinka. Chaypak tukuylla kamaywasikunamanta kullkita mashkanka.
Shinallatak sapsikuna, ayllullaktakuna, llaktakuna, urkupi kawsakkuna pachamamata kamakshina riksishka kanka, chaypak Autoridad Única del Agua kamachik, Autoridad Ambiental Nacional kamachik, GAD kamachikwan kimirishpa paykuna ushashkawan llankanka.
Kay kamachikkunaka yaku lluksina llaktapi kawsak runakunata yakuta wakaychichun, charichun, mirachichun yachaykuna charinka, urkukunapi tiyak kiwakunata, sachakunata, wiwakunata mana wakllchinka, kay Autoridad Única del Agua kamachikwan, Autoridad Ambiental Nacional kamachikwan rimanakushpa yakuta kamanka.
Yurakunata kutin tarpunkapa Autoridad Única del Agua kamachik, GAD kamachik, shulka Kamachiywasita pushakwan, ayllullakta pushashkunawan makita kushpa. Maypimi runa llaktakunata kawsakta rikushpa, llaktakunata kawsakta rikushpa chay allpapi, yakupampapi, lluchkakunapi, hakakunapi tiyak yurakunata tarpunkapa yachaykunata ruranka.
Maypimi yaku pukyu tiyakkunamanta yakuta hapikkuna, sapsikuna, llaktakuna, llaktayaykuna, allpa charikuna maypi yaku llukshik allpapi pachamamata, yurakuna wiwakuna, kiwakuna, yuyukunata, mayukunata kamanata charin, paykuna kutintak kikin yurakunata tarpuchun mañashka kanka, chay allpakunata tukuypak allpa kachun tikipak GAD kamaywasita hapinka.
Chay Agencia de Regulación y Control del Agua kamachikkuna mushuk ñankunata churan, chirli yakuta hapik tantarikuna, yakuta hapik kunakkuna yakuna kamana ushayta charin, paykuna yakunata rikuna mitachita charinka, yaku kamana hillayta charichun Fondo Nacional del Agua kulllkiwan llankayta rurana, yaku mirachik sachakunata tarpunka, ama llakikuna tiyachun chapanta chrin.
JLVN/cz/jc-kichwa
