Kay Grupo Parlamentario por los Derechos de la Niñez y Adolescencia tantari, Franklin Samaniego kamachiy killkak pushashka, karumanta rikushpa “Una Mirada de los Derechos de las Niñas en el Código Orgánico de Niños, Niñas y Adolescentes (Copinna)” hawa achkata rimanakurka.
Chaypimi wawamanta hatun yachakkuna, kamachiy killkakkuna, kamachiykuna karka, paykunaka wawakunapak, imillakunapak hayñimanta yallita rimarka.
Kay rimanakuyka: Movimiento Social por la Defensa de los Derechos de la Niñez y Adolescencia tantari, Fundación Funcoim tantari, Movimiento Nacional de Niños, Niñas y Adolescentes tantari, Organización Tejiendo Redes Infancia tantari yanapashka pusharirka.
Kay Consejo de la Judicatura kamaywasimanta, Solanda Goyes kamachik shamurka. Payka wawakuna, imillakuna llakita charishkamanta imashina kishpichinamanta rimarka. Shinallatak imashina wawakunapak, imillakunapak hayñita kamanamanta achkata llankana nirka, mayhan tsiknikunata, waktaykunata harnanamanta rimarka.
Chay Asociación de Municipalidades Ecuatorianas (AME) kamaywasimanta, Karín Jaramillo kamachik, maypan wawakunata, imillakunata yanapashpa chayanata, llaktapi tiyak kamaywasikumanta imashina wawakunapak mutsuyta yanapana hawa rimarka, tukuy wawakuna paktapakta kawsayta charichun yanapana nirka. Allpapachapi 1100 hunu, 18 watamanta urayman kawsan nirka, chaymanta imashina paykunata ñawpak pushanata yachana kanchik nirka.
Shinallatak Rocío Rosero, Coalición Nacional de Mujeres del Ecuador tantarimanta, paypak tantarika: wawakunapak imillakunapak hayñimanta llankashkata rikuchirka, paykukuna hatun hayñita charin rimarka. Warmi imillakuna ama chichuchun harkashkanchik nirka. Chay llakita kamachiy, kamachikkuna, iñikkunapash mana harkanchu nishpa atirirka.
Paymanta, Marianela Maldonado, Prevención y Promoción de Derechos Humanos de la Defensoría del Pueblo kamaywasimanta, manarak kay Día de la Niña punchamanta rimashka, Copinna kamachiyka allita killkashka kana nirka, wawapak, imillapak kawsayta allichinkapa, kamankapa Mamakamachiywan, Ista Kamachiykunawan kimirik kamachiymi killkaricuun mañarka, chaymi llakichishka uchillakunata kushiyachinka rimarka.
EZ/cz/jc-kichwa
