Mamallakta tankuyta pushak César Litardo Caicedo, kaya 20 puncha, kamachiy killkakkuna 15h00 sayllata chayanka.
Chaypimi Reformatoria a la Ley de Minería hawa atinakunka; shinallatak chaypimi Ser Bachiller yachana hawa, palanta chanimantapash rimanka.
Kay Minería Kamachiyta mushukyachinkapa Comisión de Biodiversidad tantariman yakurishka kamachiy killkakkuna allichishka willaypi tiksirishkapi atinakunka, kay kamachiywan uchilla, paktalla chuki surkukkunata yanapanka, paykuna kurita surkuchun ñanta paskanka.
Kay mushuk Kamachiyka maypimi wakaychishka pampakuna tiyakpi, maypimi yaku ñawi tiyakpi runakuna kawsana mayukuna tiyakpi titita, anta, kuri tiyakta mana surkuchun harkanka. Shinallatak Sistema Nacional de Áreas Protegidas mañashkata, Mamakamachiy, Chuki Kamachiy mañashkata, paktachinka.
Kamachiy killkakkuna Monserrat Creamer, Ministra de Educación kamachik; Agustín Albán Maldonado, Secretario de Educación Superior, Ciencia, Tecnología e Innovación (Senescyt) kamachik; Edwin René Palma Echeverría, Director del Instituto Nacional de Evaluación Educativa kamachik, paykunami yunka llaktapi chay "Ser Bachiller" llakikuna charikta willanka.
Ishkaykutin atinakuypika, kay Comisión de Educación tantariman yachay kamachik shamuchun mañan, paymi, "Ser Bachiller" yachay llankayta hapinkapa taripaykunapi llakikuna tiyashkata willanka, chaytami imashina allichinamanta shuk ñanta mashkachun atinakunka, kipaman shuk ñanta mashkanka.
Ña tukuchinkapa Comisión de la Soberanía Alimentaria y Desarrollo del Sector Agropecuario y Pesquero tantariman, Ministros de Agricultura y Ganadería, Xavier Lazo kamachik, Producción, Comercio Exterior, Inversiones y Pesca, Fernando Ontaneda kamachik, BanEcuador, Carlos Luis Tamayo kamachik, kaymanta 15 puncha mitapi shamunata arininka.
RSA/cz/jc-kichwa
