Kay Comisión de Educación tantari, Jimmy Candell kamachiy killkak pushashka, 066 yupay rimanakuypi, Defensa Profesional del Artista kamachiyta allichinkapa kallarirka.
Chaymanta Byron Suquilanda kamachiy kamachiy killkak churashkami karka, chaytami tukuykuna killkakatishpa allichinka.
Chaypak Federación Nacional de Artistas Profesionales del Ecuador (Fenarpe) pushakta achiklla willachun kayarka.
Kay Byron Suquilanda kamachiy killkak 36 nikikunata rimarka, payka takikkunapak, shuyukkunapak, killkakkunapak hayñita ñawpakman pushana, yanapana nishpa rimarka. Takikkunata katunkapa kullkita churachun mañarka, shina kikin kullkita churachun mañarka.
Shinami, Maritza Noboa, kallari rimay Trío Ramary takita takik, payka mushuk takikkunata, killkakkuna, makirurakkuna, shuyukkuna shamuchun kayarka. Paykunaman llankay hayñita, kawsaykamayman yaykurichun, kayarka.
Kay Rafael Heredia, Fenarpe tantarita pushak, Instituto Nacional de Capacitación de Artistas kamaywasita wiñachina, sumak ruraykunata, ushaykunata allichinkapa tankana nirka. Kay ushaywan rikuna shuyuta, takikunata, hapina, mirachina, shuyna llankaykunata ñawpak pushana llankayta yuyarinka.
Kay Marcelo Simbaña, Silvia Salgado, Jeannine Cruz, Amapola Naranjo y Teresa Benavides tantariman yaykurishka kamachiy killkakkuna takik, shuyuk, killkak, shuktak makirurakkunapak hayñita ñawpakman pushanka. Shinami Mamallaktapak yanapashpa llankanata Defensa Profesional del Artista kamachiyta sinchiyachinka.
Tukuchinkapa, kay LOEI kamachiy willayta chayrak allichinata rikischirka. Chaymanta kay Educación Intercultural (LOEI) kamachiyta ishkaykutin atinakuyta rurankapa sapa minkashkakuna killkashkata achkata allichinka. Kamachiyka wankurita katishpami allita killkashka kanka, kayta shamuk hunkapi minkashkakuna paktachinka.
MG/cz/jc-kichwa
