Kay Relaciones Internacionales Tantari, Fernando Flores kamachiy killkak pushashka, kayna puncha rimanakuyta charirka.
Chaypi Navegación, Gestión de la Seguridad y Protección Marítima y Fluvial kamachiyta allichishpa katin.
Kay kamachiyka sukta kapaknikita charin, sapan kapaknikimi chusku wankurikunata charrin.
Shina sumakrurak tantarishka kamachiy killkakkunata riksichirka. Kay kamachiy mamakuchapi llankak runakunata wampuchun, mamakuchata ukllachun, kamachiyta pachishpa llankakta harkachun yanapanka.
Kay Kamachiypak nikikunaka 37 yupaykunata charin. Chaykuna Kamachiypak unkunmi tukun. Chaymanta mamakuchata kamankapa sumakruraykunata allita rikushpa churachun yanapanka. Mamakuchapi llankayta mana pachamamata wakllichishpa llankachun, yakuta ama mapayachichun, ama kupakunata shitachun rikunka. Wampukpura ama takarichun yaku hawapi ñan unanchakunata churanka.
Chaymanta, César Carrión, René Yandún kamachiy killkakkuna alli kamachiy killkarichun, runakunaman achiklla uyarichun, Mamakamachiymanta karuyashka yuyaykunata ama charichun rikuykunata churarka. Paymanta Augusto Espinoza kamachiy killkak kay Fuerzas Armadas kamaywasi mamakuchata ukllana rayku allita kamachachiy kachun yanapanka nirka.
Mamakuchapi llankak runakunata imashina kamanamanta rikushpaka, paykuna mana wakllchishpa chalwachun yachachina sumakruraykunawan yanapana nirka. Chaymanta Marina Mercante yachachikwasi, kay Dirección Nacional de los Espacios Acuáticos (Dirnea) kamaywasi imashina yachachina ñankunata ruranka. Chaykunata rikushpa kamachiy killkakkuna allita chayrak atinakuchun mañarka.
Shinallatak, César Carrión, kay kamachiypak nikikunata allita killkankapa Mamakamachiyta yachakkunata kayana nirka, mamakuchaman kimirik kamachiykunawan kimirik kamachiy kachun, René Yandún kamachiy killkakpash mañarka.
EA/cz/jc-kichwa
