Chay Comisión de Educación tantari, Jimmy Candell Soto, kamachiy killkak pushashka chay Secretaría Nacional de Educación Superior, Ciencia, Tecnología e Innovación (Senescyt), Agustín Albán, kamachikta wanachinkapa 11 apuchiwan kallarirka.
Chay kamachikka Mamakamachiyta, Kamachiyta achkata pakirka, chaymanta llaktay wanachishka kachun mañarka.
Kay arinishkapika, Lenín Moreno Garcés, Mamallakta Pushak, shuk churashka kamachiywan, chay Yachay Ciudad del Conocimiento hatun yachanawasita wakllichirka, kay arinishka kamachiywan Imbabura markapak tawka ayllukunata llakichishka rikurin.
Shina yalallatak Ikiam yachaywasita, UNAE yachaywasita llakichirka, chaymanta Senescyt kamachikta ñawipurankapa kayarka, paykunaka imamanta yachana wasikunapak, kamachikkunapak kamachikta akllankapa chaypillatak sakichirka.
Manarak hatun kamachikta tapushpa, tantarika Ikiam, Yachay, Universidad Nacional de Educación (UNAE) hatun yachanawasikunamanta yachachikta, yachakukta kayarka, yalli utkashpa kamachikkunata churashkamanta, yachanwasi allikawsayta charina illan nirka.
Shinallatak, Richard González Dávila, Ikiam yachanawaaimanta kamachiy yachak, akllana uchillla kamachiy hatun llakiunata pamun nirka, yachachikkkunapak shuti aspita yaykuchina, yachakukiuunapak kamahcikkta akllachun Quito llaktaman, Tena llaktaman rina urman nirka, 15 punchakama wanachishka kanka nirka, Antonio Vera Palacios yachakukunapak shutipi rimarka.
Mamallakta Tantanakuypak minkashkapa shutipi Jimmy Candell kamachiy killkak, Senescyt kamachikkuna Mamallakta Tantanakuypak ñawpakpi imashina chay llaki kashkata rikuchinata charin nirka, awki yachanawasikunapak llankayta, llakita rikuchinata makipi charin rimarka.
EG/cz/jc-kichwa
