Kay killa shamuk 18 punchakama Mamallakta tantanakuy Mamakamachiyta ishkaykutin atinakuypak willaykunata riksinata, arininata charin.
Shinami Mamakamachiypak 441 nikipika riman nishpa willarka.
Chaymanta kamachiy killkakkunka kunanka willaykunata ishkaykutin shuk shukmi arinirka.
Mamakamachiy allichina yuyaytaka Jeannine Cruz kamachiy killkak churarka, 7 apuchitami charirka, chaymanta tukuy rimanakuy pataku arinirka, chaywan Mamakamachiypak 272 nikita mushukyachin, kipaman Mamallakta kikinllatak karupi kamachikkunaman kullkita churanka.
Kutin, Esteban Bernal kamachiy killkak churashka yuyayka, 6 apuchita hapirka, shuk apuchika samaypi sakirirka. Mamakamachiypak 196 nikita, 211 nikita allichishpaka Fiscal kamachikta, Contralor kamachikta akllachunmi yanapanka nirka.
Kay Héctor Muñoz kamachiy killkak, llankaykunata, ruraykuna, kullki kamayta achiklla llaktakunaman rikuchinaka may sumakmi kan nirka, chaymanta 10 watapak killkarin, mana 15 watapak killkarinchu nirka. Kutin, Fabricio Villamar kamachiy killkak tukuylla awllikkunapak kachun mañarka, shina rurashpaka Fiscal kamachikpaklla, Contralor kamachikpaklla kankachu nirka.
Kimsa kutin yuyayta churayka chay Consejo de Participación Ciudadana kamaywasita Mamallakta Tantanakuyman yallichinamanta rimarka, kay yuyayka tukuy kamachiy killkakkunamanta 7 apuchita charirka, chaypak Mamakamachiypak 120 nikita hapirka, chaywan 17 nikipak 2, 3 yupaykunata allichirka, 207 nikipak kallari killkamilkata allichirka; shinallatak 131, 209, 210, 224, 236, 434 nikikunata allichirka, tukuchinkapa 213, 222 nikikunata allichirka.
Shuktakkunamanta rimashpaka, hatun kamachikkuna akllanamanta tukuykunapak ñawpakpi mishachishpa, mana nishpa akllana nirka, nima pachapipash Mamallakta Tantanaluy awllika kamachikkunapak ranti shuktak kamachikkunata mana akllana nirka.
JLVN/cz/jc-kichwa
