Kay Sistema Nacional de Contratación Pública kamachiypak 40 nikita allita rikurka, chay nikikunaka 144 ñawpakpimi karka.
Shinami tukuylla llankayta rurankapa willayta rikurka. Tukuylla ruraykunata rurakpi allpata charikkunaman chani wichiyan nishpa kamachiy killkakkuna rimarka.
Kay kamachiyta alli killkankapa tawka yuyaykunata chaskirka, chayka: Asociación de Municipalidades tantarimanta chaskirka.
Kipaman Consorcio de Gobiernos Autónomos Provinciales tantarimanta, Servicio Nacional de Contratación Pública (Sercop) kamaywasimanta chaskirka.Shuktak tantarikuna, kamaywasikunapash yuyayta churarka. Shinallatak minkashkakunaka Ministerio de Desarrollo Urbano y Vivienda (Miduvi) kamaywasipash yuyayta churachun mañarka.
Kamachiy killkakkunaka tukuylla kamaywasipak shutipi tiyakkuna mana achiklla kakpika, Mamallaktapak tukuylla hatun kamachikpak makiman yallichun mañarka. Chay tiyakkuna mashna chani kashkata tukuyllakunaman willachun, tukuypak munay kachun mañarka, yuyarishka punchamanta kimsachunka punchata yupashka arinichun mañarka.
Kay tukuylla rantina taripaymanta, mushukyay wiñarimanta, mashna runakuna rantina katuna tiyachun mañashkamanta kamaykuna tiyachina, mushuk rantina pampakunata, wasikunata, ukukunata, willanakunata rurana kan nirka. Chaytami Sercop kamachikkuna ista llaktakunapin imashina rurakta rikushpa yanapachun mañarka.
Shinallatak minkashka kamachiy killkakkunaka yaykuchik katuna-rantinamanta rimarka, chayka Economía Popular y Solidaria ukupi kanka, paymi uchilla kamachiywan allichishpa kachanka nirka, chaymanta Contratación Pública Hatun Kamachiy rikushka kanka nishpa achiklla rikuchirka.
JLVN/cz/jc-kichwa
