Mamallakta Tantanakuy takayta, takurita anchuchinkapa 691 yupay atinakuypi kutin arinirka, shinami (122 apuchiwan), Convenio 190 de la Organización Internacional del Trabajo (OIT) kamachiy rimashkata arinirka.
Chaymanta Ecuadora llaktaka kay allpapacha kamachiyta hapishpa chay llakikunata anchuchinka sinchita llankana kan, rimarka.
Tukuy runakuna paktapakta kawsachun, llankaykunapi aman tsikni tiyachun, hayñita charishkamanta tukuylla llankaykunaman haykurichun rikunka.
Chaymanta, llankaykunapi kamayta, yachayta, allikawsayta charihun kay ista kamachiy yanapanka. Kay Encarnación Duchi kamachiy killkak, kay yuyayta churakshina, tukuy takaykunata, tsiknikkunata wanachichun mañarka.
Tukuylla llankay ukupia takaykuna, takurikuna, kariwarmita manyayachikuna ama tiyachun kamachikkuna rikunka, kallaripi rikuna runakuna kallaripi churashpa kamachun mañarka, ashtawanakarin llankayta kuk llankakwasikunami llankak karikuna, warmikuna ama llakita charichun rikunka. Kay llankaykunawan katinka paktak kullkitapash charinka.
Kay Ecuador llaktapak kamachiyka chay Para Prevenir y Erradicar la Violencia contra las Mujeres kamachiyta; Justicia Laboral y Reconocimiento del Trabajo en el Hogar kamachiyta; Servicio Público kamachiyta; Código de Trabajo kamachiyta charin, kay kamachiykunawan tsiknikunata, takaykuna, piñaykunata, takurita harkanka.
Mama Duchi kamachiy killkak, raymi killa, 21 puncha, 2019 watapi, chay Conferencia General de la Organización Internacional del Trabajo tantari, Nro. 190 Convenio Sobre la Eliminación de la Violencia y el Acoso en el Mundo del Trabajo kamachiyta paktachinkapa kutin arinirka. Shinallatak 29 puncha, 2020 watapi, Lenin Moreno, Mamallakta Pushak, kay Convenio en Referencia kamachiyta kacharka; shinallatak, 04 puncha, pawkar killa, 2020 wata, Pleno de la Corte Constitucional kamaywasi, kay hatun yuyarikuna Mamakamachiywan mana takarin rimarka.
Kay yuyarikunata paktachinkapa Ministerio del Trabajo kamaywasipak; Director de Derechos Humanos del Ministerio de Relaciones Exteriores y Movilidad Humana kamachikpak; Secretaria Técnica del Consejo Nacional Para la Igualdad de Género kamaywasipak; Coordinadora del Comité Nacional de Mujeres de la Internacional de Servicios Públicos (ISP) kamaywasipak yuyaykunata hapirka, chaywan kay yuyarikuna rimashkata paktachinka.
RSA/MG/cz/jc-kichwa
