Hatun yachakkunapak yuyaypika runakunapak hayñita rikushpa saywata kamachun mañan, awkakunawan mana harkachun mañarka.
Shinami, kay puncha Octavo Foro “Políticas de Seguridad y Derechos Humanos en Frontera” rimanakuypi yachachirka.
Paykunaka Desarrollo Fronterizo kamachiyta llaktayukkunawan rimashpami shina rimarka. Mama Silvia Salgado Andrade, Grupo Parlamentario Fronterizo tantarita pushak shina rimarka.
Chaymanta, Mamallakta Tantanakuyta pushak, Mamallakta Tantanakuypak yuyayka, Desarrollo Fronterizo kamachiyta allichishpa chay saywa llaktapi kawsak ayllullaktakuna, llaktakuna, shulkakuna, kitikuna, markakuna mañashkata hapishpa kamachiyta allichina yuyaymi kan, nirka.
Kallari rimanakuypika Oswaldo Jarrín, Ministro de Defensa Nacional kamachik rimarka, Mamallaktapak saywa kuchupi kawsak llaktakuna kamana llaktayta rimarka, runakunapak hayñita takana yuyayka mana kanchu rimarka, kamay mnana tiyakpika, runapak hayñi mana tiyanchu rimarka.
Paymanta, Fredy Rivera, Facultad Latinoamericana de Ciencias Sociales (Flacso) hatun yachanawasimanta taripak, payllatak chaypi yachachik, kunanpi llaktay rantinchirishka kan nirka, hatun kamay, llaktakuna hatun wiñari kan nirka. Mashi Mamallaktakuna ñukanchik llaktapak kamayta llakichin nirka. Kunanpi llaktayka: istallakta kullki llaktayta, allapata tupuna llaktay yachayta charina kan, rimarka.
Yachak, Lorena Herrera, Instituto de Altos Estudios Nacionales (IAEN) hatun yachaywasipi yachachik, ashtawankarin chincha saywa llaktakunapi achka llakimi tiyan rimarka. Chayka: purik runalkuna, sacha awkakuna, tiyan nirka. Paykunami runakunapak hayñita takan nirka. Kulla saywapika kullkikamay, llaktaykamay, alli mikuna, ayllullaktata kamay, allikawsay kamay, runata kamay, pachamamata kamay tiyan, rimarka.
Shinallatak, Silvia Salgado shamuk rimanakuypika chikan, chikan rimanakuna patakutami churana kanka rimarka, chaypimi llaktakuna, tukuylla kamaywasikuna, shukpaklla kamaywasikuna, (GAD) kamaywasikuna, runa tantarikuna, amawtakuna churashka yuyaywan kay Desarrollo Fronterizo Hatun kamachiyta allichina, rimarka.
EG/ea/jc-kichwa
