Kay 076 yupay rimanakuypi chay, Comisión de Educación tantari, Jeannine Cruz kamachiy pushashka rimanakuyta charirka.
Shinami, Creación de la Escuela Superior Politécnica Agropecuaria de Manabí Manuel Félix López (ESPAM-MFL) kamachiyta ishkay kutin atinakunkapa willayta arinirka, kay kamachiytaka Teresa Benavides kamachiy killkak churashkami kan.
Shinallatak, chay Cultura kamachiytapash allichirka, chaypak Ministerio de Cultura kamaywasipak, Instituto Nacional de Patrimonio Cultural kamaywasipak yuyaykunata hapirka.
Chay kamaywasikunamanta shamuk kamachikkunaka Mamallakta charimushkakunata mana katuna kanchu nishpa yuyayta tinkirka.
Kay Ministerio de Cultura kamaywasimanta shamuk, Juan Diego Badillo kamachikka kay hatun wasikunata katushpa, chay kullkitaka ayllullaktamanta yanapana kachun rikuchirka, Mamakamachiyka Mamallakta charishkakunata katuchun mana sakinchu katina kan nirka.
Chay Instituto de Patrimonio kamaywasimanta, María Catalina Tello, Jorge Sempértegui kamachikkunaka, Mamakamachiypak 379 nikipika, Mamallakta charimushkata mana katuchun, mana karuyachichun, mana huntachun mañarka, chay Corte Constitucional Mamakamachiyta kamak wasipash shinallatak yuyaytami churarka.
Shinallatak, Silvia Salgado, Alan Caiza, Jeannine Cruz, Marcelo Simbaña kamachiykillkakuna, minkashkaman yaykurishkakunapash kay yuyaykunata ashtawan yachana kanchik nirka, shinatak kay allichishka kamachiy alli killkarichun alli yuyaykunata churachun mañarka.
MG/cz/jc-kichwa
