Kay Ministro de Salud Pública, Juan Carlos Zevallos López hatun kamachik, Tantanakuyman hampinata riksichirka.
Shinami, 86 waranka hampikuna tiyan, 43 waranka runakunaman paktanka nirka.
Kallaripika hampikkuna, yuyayk runakunata haminta willarka. Kay hampimanta kullkita mana kunkachu kan nishpa willarka.
Kallari 8 waranka hampikunata chaskishka kipa, 78 waranka hampikunaka panchi killa tukuripi chayamunka nirka. Kay 8 waranka hampika, Mamallaktapak 24 markaman, 44 kitiman, 95 hampik wasiman rakishka kanka nirka. Pawkar killa kallari punchakuna achka hampikuna chayamunka rimarka.
Kallari hampikunaka pawkar killa tukupiri mana hampishka hampikkunata, chapak kamachikkunata, mana wañuchik kamachikkunata, kullki llukshik kuskakunata, wakllirishlka runakunata, tukuypata yachachikkunata hampinata riman.
Hatun kamachikka, wañukuk unkushkakuna, apanka unkuyta charik, kimsa killata chichu warmikuna, unkuywan waktarishkakuna, hampita mana chaskikkuna, hampiwan yawar sankuyuk runakuna kay hapita mana chaskinka, rimarka.
Kamachik Zevallos, hampikunata rantinkapa 200 hunu kullki tiyan nirka, chaywan 18 hunu hampikunata rantinkapa, Ecuador Mamallaktapi 9 waranka runakunata hampinkapa ynapanka.
Kamahiy killkakkunaka hampimanta llukshik kupakunamanta llakinchik nirka; markakunaman hampikuna mana utka chayakun rimarka; imashina hampikuna chayakta rikushpa hampinata kallarinka rimarka; unkuyta takashpa kallari wachupi kak kamachikkunata hampinka nishpa atirka.
Shinallatak Comisión, William Garzón tantarita pushak, hampina llankay ñan tiyachun mañarka, chayta tukuyllaman riksichina kachun mañarka, kallaripi kak runakunata, kamachikkunata, hampikkunata hampishpa kallarin nishpa willarka. Hampita rikuk kamachikkuna rikunata charin nirka.
RSA/cz/jc-kichwa
